Komediani amerikan Trevor Noah nuk i ka kursyer lëvdatat për pop yllin kosovar me famë botërore Dua Lipa. Ai ishte i ftuari i radhës në “Dua Lipa: Në shërbimin tuaj”, me ç’rast komediani diskutoi shumë gjëra nga kujtimet e tij, shkruan Billboard.
Noah gjithashtu diskutoi miqësinë e tij me yllin e “Levitating”, për të cilën ai bëri shaka se e sheh gjithmonë në një vend të caktuar.
“Madje një ditë i thashë shokut tim: Sa herë që shoh Dua Lipën, është në një shfaqje çmimesh. Pra, tani kjo do të thotë se nëse e shoh, jeta ime po shkon mirë”, ka thënë Noah në episodin që u transmetua më 21 tetor.
Mundesh me e lexu edhe…
Ai ka shtuar se shpreson që ta shohë këngëtaren kosovare më shpesh, ashtu që jeta e tij të bëhet edhe më e mirë.
“Ju keni qenë gjithmonë me të vërtetë e mrekullueshme. Ju keni qenë gjithmonë një dritë vërtet e mrekullueshme”, është shprehur Noah.
Lipa dhe Noah u bënë kryetituj të mediave në fund të shtatorit kur u panë duke u puthur gjatë një takimi në New York City.
Megjithatë, ndërsa fliste me Charli XCX në podcast-in e saj, ylli 27-vjeçar i popit zbuloi se në të vërtetë ka qenë beqare këtë vit.
“Për mua ky është viti i parë që nuk jam në një lidhje për një kohë shumë të gjatë. Është vërtetë e mrekullueshme të jem vetëm dhe të mendoj vetëm për veten time dhe të jem egoiste, gjë që nuk kam pasur kurrë rastin ta bëj”, ka thënë ajo.
Përgatiti:
