Një shishe e rrallë uiski i prodhuar nga një distilues skocez ka dalë në ankand për të paktën 123,000 eurosh. I quajtur “The Macallan The Reach”, uiski 81-vjeçar mendohet të jetë më i vjetri në botë, sipas shtëpisë së ankandeve Sotheby’s.
Vlerësimi më i lartë për shishen 700 ml është 223,000 eurosh, që nëse shitet për këtë çmim do të thotë se çdo masë 25 ml vlen rreth 8, 000 euro. Paratë e fituara nga shitja thuhet se do të përdoren për fondin e praktikës së distiluesit.
Mundesh me e lexu edhe…
Ankandi, i hapur nga Sotheby’s në Londër, do të mbyllet më 5 tetor dhe ka tërhequr oferta prej 123, 000 eurosh.
- Advertisement -
Pak histori
Uiski, i quajtur ndryshe uji i jetës, është një distilat që prodhohet nga drithëra të llojeve të ndryshme. Bota e madhe e tyre mund të ndahet të paktën në dy grupe të mëdha, ku në të parin hyn uiski skocez, si për shembull “Glen Grant” apo “Jameson”, dhe uiski amerikan e kanadez si “Jack Daniel‘s” apo “Ballantines”.
I pari, duke nisur që nga shekulli i 15-të, përfitohet nga distilimi i elbit të maltuar apo nga përzierja e drithërave të ndryshme. Uiski skocez mund të dalë në shitje pas tre vjetësh, ndërkohë që koha optimale është 5 vjet.
- Advertisement -
Koktejlet më të njohura në botë me bazë uiskin skocez janë dy: “Rob Roy” dhe “Rusty Nail”. “Bourbon” është uiski amerikan më i përhapur në botë, që prodhohet kryesisht në zonën e Kentuckyt. Bëhet kryesisht nga përzierja e drithërave të ndryshme, kryesisht misër. Ka shije dhe aromë të veçantë dhe është uiski më i përhapur nëpër koktejlet e ndryshme, përzier me “Vermut”-in dhe lëngjet e frutave. Mund të zëvendësojë edhe uiskin kanadez dhe përdoret për përdorimin e koktejleve të tillë si “Old Fashioned”, “Whisky Sourd”, koktejlit kanadez, “Manhatan”-it dhe “Oriental”.
Whisky apo Whiskey
Diferenca mes “whisky” dhe “whiskey” është thelbësore: whisky është ai tradicionali skocez, ndërsa kur flitet për whiskey kuptohet ai irlandez. Diferencat nuk përfundojnë këtu. Një tjetër diferencë mes tyre është se whiskey në Irlandë distilohet tri herë për të qenë më i pastër dhe më i “butë”, ndryshe nga ai skocez, që distilohet vetëm dy herë.
Përgatiti:
