Universiteti i Prishtinës ka hapur thirrjen për studentët e semestrit veror 2025/2026 për të aplikuar për bursa në kuadër të programit Erasmus+, në Justus-Liebig-Universität Giessen, Gjermani. Kjo iniciativë ofron mundësi për zhvillim akademik dhe përvojë ndërkombëtare për studentët në të gjitha fushat e studimit që ofron universiteti gjerman.
Bursat janë të hapura për studentët e niveleve Bachelor, Master dhe PhD, me kritere specifike për secilin nivel, përfshirë notën mesatare mbi 8.00 dhe për studentët PhD një udhëheqës akademik nga Universiteti i Giesenit. Bursat përfshijnë një kompensim mujor prej 850 eurosh dhe shpenzimet e udhëtimit deri në 275 euro, për një kohëzgjatje prej një semestri (5–6 muaj).
Universiteti i Prishtinës inkurajon veçanërisht aplikimin e studentëve me më pak mundësi, duke ofruar kështu një shans për pjesëmarrje më të gjerë dhe përfshirje në mobilitetin ndërkombëtar. Afati për aplikim është 14 tetor 2025.
Mundesh me e lexu edhe...
Ky program është një mundësi e shkëlqyer për studentët e UP-së që të përforcojnë njohuritë akademike, të krijojnë lidhje ndërkombëtare dhe të përjetojnë jetën studentore në një nga universitetet e njohura të Gjermanisë./Katror.info
