Kohëve të fundit në rrjete sociale janë publikuar pamje mbresëlënëse të urës së Kukësit, e cila po ndërtohet në Rrugën e Kombit për ta shmangur një kthesë 90 gradëshe në hyrjen të Kukësit.
Ura karakterizohet me 320 metra gjatësi, 270 metra pa asnjë këmbë, e gjitha rri e varur mbi urë
Ura ka harkun më të lartë në Evropë, pra bëhet fjalë për urën me hark, jo ura më e madhe në Evropë. Pra, ka harkun e salduar më të madh në Evropë, që është përshtatur për erërat dhe për çdo rrethanë tjetër atmosferike.
Mundesh me e lexu edhe…
E veçanta e urës është se është një urë që rrëshket, noton në liqen, derisa vendoset në anën përballë. 5 mijë e 300 tonë çelik janë dashur për projektin e urës, vetëm për kontruksionin e saj. Është vepra më e madhe e këtij lloji në Shqipëri, ura me harkun më të lartë në Evropë, 67 metra e lartë.
Ura është investim prej 35 milionë Euros i “Kastrati Group”, që pritet të funsionalizohet në fillim të kësaj vere. Spartak, sa kohë ke që punon me urën?
“Ura ka 3 vite e pak që është në proces ndërtimi, fillimisht në 2020-ën kemi marrë pjesë në projektin, kemi zgjedhur kompaninë projektuese. Zgjodhëm këtë formë për 2 arsye kryesore: E para, që kjo është vepra më e madhe që kemi ne si koncesionarë në punimet tona kapitale dhe donte që t’i jepje formën dhe madhësinë e duhur dhe tjetra është që kemi poshtë një liqen që ka nivele të ndryshueshme të ujit dhe nuk menaxhohet dot prej nesh dhe kjo e bën të domosdoshëm që të punosh jashtë nivelit të ujit”, tha Spartak Tumani, administrator i AHC, për emisionin “Opinion” në Tv Klan.
I pyetur se kur do të përfundojnë punimet, sipas Tumanit këtë verë ura do të jetë e hapur për trafikun
“Nënkontraktorët tanë po punojnë me dy turne, 24 orë dhe pretendojmë që në këtë verë, rruga do të jetë e hapur për trafikun”, shtoi Tumani./Katror.info
Përgatiti:
