Amiens është një qytet me “kopshte lundruese” (Hortillonnages) që ndodhet në veri të Francës. Është i njohur për kanalet e tij që lumi bënte nëpër vendbanim, duke krijuar një kopsht të vërtetë lundrues urban.
Qyteti mbulon një sipërfaqe prej rreth 300 hektarësh dhe u krijua kur vendasit filluan të gërmonin torfe nga toka e kënetës për ta përdorur atë si pleh. Gjatë shekujve, rrjeti kompleks i llogoreve që ata hapën u mbush me ujë nga rrjedha e vazhdueshme e lumit Somme, duke krijuar një rrjet të ndërlikuar kanalesh.
Shumë ishuj të vegjël pjellorë, të njohur sot si “kopshte lundruese”, u krijuan në rrugët ujore që u hapën në këtë mënyrë. Këto kopshte vërtet interesante janë përdorur nga popullsia për tetë shekuj për kultivimin e bimëve dhe për rekreacion. Ishujt u punuan nga kultivuesit e njohur si “hortillons”, që është një fjalë e vjetër për njerëzit që kultivonin kopshte.
Mundesh me e lexu edhe…
Në të kaluarën, kishte disa qindra mjeshtër të tillë, dhe me kalimin e kohës ky profesion u humb dhe u harrua. Sot, ka vetëm rreth një duzinë kopshtarë me kohë të plotë që rritin kultura në këtë vend. Ata prodhojnë gjithçka, nga perimet, frutat, deri te lulet më shumëngjyrëshe. Gjithçka është kryesisht organike, toka këtu është e bekuar dhe pjellore dhe lumi e ujit natyrshëm.
Sot, kjo zonë u ofron turistëve jo vetëm ushqime dhe lehtësira të shkëlqyera turistike, por edhe një sërë gjërash të tjera. Këtu vendosen instalacione të shumta artistike gjatë gjithë vitit, dhe vetë natyra përreth ofron burimin më të mirë natyror jo vetëm për relaksim, por edhe për programe edukative dhe punëtori të shumta që vizitohen nga një numër i madh njerëzish./Katror.info
Përgatiti:
