“VEÇ për QEF” vjen me “Mbrëmje shqiptare”, në Cyrih
Ditë më parë, në Cyrih u mbajt një mbrëmje simpatike me muzikë dhe argëtim shqip, që ndryshonte nga eventet e tjera të kësaj natyre. Sipas Albinfo.ch bëhet fjalë për një nismë të re të ekipit “VEÇ për QEF”, që të realizojë një seri mbrëmjesh të tilla, relaksuese, me eventin e parë me emrin “Albanische Nächte” ose “Mbrëmje shqiptare”. Mbrapa kësaj nisme është afaristi i njohur shqiptar nga Zvicra, Sysret Kastrati dhe Adelina Kastrati.
Për Albinfo.ch, Adelina Kastrati ka thënë se ky event tradicional i dedikohet audiences shqiptare në Zvicër, përcjell Katror.info.
Mundesh me e lexu edhe…
“VEÇ për QEF sjell evente tradicionale të dedikuar audiencës shqiptare në Zvicër. Ideja lindi nga dëshira jonë për të krijuar një platformë, ku komuniteti shqiptar mund të shijojë muzikën dhe kulturën e vet në një ambient të veçantë. Në fakt, kjo punë u nis vetëm për qejf, por pastaj filluan bisedat midis anëtarëve të ekipit të “VEÇ për QEF” dhe të interesuarve të kulturës shqiptare në Zvicër’’, ka thënë Kastrati.
Ndërkaq Sysret Kastrati ka folur edhe për mbrëmjen e pare të Albanische Nacht e cila është organizuar në MINI Café në Cyrih, me performancën e këngëtarit Durim Tahirukaj.
‘’ Mbrëmja e parë “Albanische Nächte” ishte një sukses i madh. Takimi në MINI Café Bar në Cyrih me performancën e këngëtarit Durim Tahirukaj ishte një përvojë e jashtëzakonshme për të gjithë pjesëmarrësit. U ndamë me ndjenjën e kënaqësisë dhe frymën e mirëqenies që muzika shqiptare na sjell’’.
Kastrati tha se në këtë event ka qenë falas për mbrëmjen e parë, si një shenjë mirëseardhjeje për komunitetin tone, megjithatë, ai njoftoi se në eventet e ardhshme, hyrja nuk do të jetë më falas.
Sa i përket artistëve Adelina tha se mungesa e artistëve shqiptarë në Zvicër të do të adresohet përmes një platforme.
”Ne besojmë se ka një mungesë ngjarjesh të tilla me artistë të zgjedhur shqiptarë në Zvicër. Ne kemi vënë re një nevojë të madhe në komunitetin shqiptar për një platformë ku të promovohet talente dhe ku të organizohen evente me muzikë dhe kulturë shqiptare.” /Katror.info
Përgatiti:
