Një indeks ka hetuar gjithçka, nga paga minimale deri te gjithëpërfshirja, për të përcaktuar se cili vend ka kulturën më të shëndetshme të punës dhe jetës.
Ekuilibri punë-jetë shpesh varet nga kultura e vendit ku punojmë.
Disa vende janë më bujare me ditët e pushimeve dhe kohën e lirë, ndërsa të tjerat janë shumë më strikte – a keni dëgjuar, që Greqia sapo prezantoi një javë pune gjashtëditore?
Mundesh me e lexu edhe...
Për të na ndihmuar të kuptojmë qëndrimet e ndryshme ndaj punës në të gjithë botën, platforma e punësimit Remote, ka përfunduar indeksin e dytë vjetor global të ekuilibrit jetë-punë bazuar në faktorë të tillë si paga minimale, raporti mjekësor, leja e lindjes, kujdesi shëndetësor, lumturia dhe gjithëpërfshirja në 60 vendet kryesore sipas Produktit të Brendshëm Bruto, shkruan shqip.al.
Secilit më pas iu dha një vlerësim nga 100 pikë dhe ishte Zelanda e Re vendi që kryesoie renditjen, me një rezultat prej 80.76.
E renditur në vendin e parë edhe në studimin e vitit 2023, Zelanda e Re ia doli veçanërisht mirë falë ofertës së saj të pagës minimale të lartë dhe të drejtës bujare të pushimit vjetor prej 32 ditësh.
Në vendin e dytë ishte Irlanda, e cila është ngjitur me 19 vende nga studimi i vitit 2023 falë futjes së pagës ligjore për sëmundjet, dhe në vendin e tretë ishin Danimarka dhe Belgjika.
Është interesante se Gjermania, vendi i cili kohët e fundit u emërua si vendi më i mirë europian për ekuilibrin punë-jetë, falë orëve të punës nën mesataren, renditet në vendin e gjashtë në këtë studim.
Lexoni më poshtë listën e plotë.
Dhjetë vendet më të mira në botë për ekuilibrin punë-jetë, sipas Remote:
1. Zelanda e Re
2. Irlanda
3. Danimarka dhe Belgjika
5. Kanadaja
6. Gjermania
7. Finlanda
8. Australia
9. Norvegjia
10. Spanja . /Katror.info
Përgatiti:
