Këto ditë në rrjetet sociale po qarkullon një video e një korbi duke pirë ujë nga një shishe, duke futur me mjeshtëri në të guralecë, për të ngritur nivelin e ujit.
Megjithatë, ky nuk është kulmi i aftësive intelektuale të kësaj specie zogjsh – ata mund të njohin fytyrat, të kujtojnë shumë mirë ata që i kanë dëmtuar, madje edhe të “përfolin” njerëzit me miqtë dhe anëtarët e familjes.
Edhe pse ata shpesh kanë pasur një reputacion të keq gjatë historisë, korbat janë në të vërtetë kafshë magjepsëse, lozonjare dhe shumë inteligjente, të afta të mendojnë taktikisht, të shprehin emocionet e tyre, të kujtojnë fytyrat e njerëzve dhe veprimet e tyre, madje edhe t’ua tregojnë përshtypjet e tyre për ne miqve të tyre me pendë.
Mundesh me e lexu edhe…
Kur bëhet fjalë për aftësitë intelektuale, këta zogj mund të rivalizojnë absolutisht delfinët dhe shimpanzetë: korbat shkëlqejnë në testet logjike që përfshijnë aktivitete të shumta ose duke përdorur mjete, kanë një ndjenjë të zhvilluar të lojës dhe disa madje kanë mësuar të numërojnë.
Një video e një “gjeniu të tillë” po qarkullon këto ditë në rrjetet sociale dhe përdoruesit nuk mund të mos habiten se sa i shkathët dhe i zgjuar është ky zog. Duke hasur në një shishe plastike me ujë, qafa e ngushtë e së cilës e pengon ta pijë, korbi shpejt “i bashkoi 2 dhe 2” dhe arriti në përfundimin se niveli i ujit do të rritet nëse vendos guralecë në shishe. Askush nuk e di se ku e mësoi ligjin e Arkimedit, por ideja e tij dha fryt.
Ky nuk është një shembull unik i demonstrimit të aftësive intelektuale të korbave – dihet mirë se ata hedhin arrat nga një lartësi për t’i çarë, vjedhin peshk nga peshkatarët, sepse ata e dinë se kjo është shumë më e lehtë sesa të kapin prenë vetë, dhe nëse është e nevojshme edhe shtiren se kanë ngordhur, thjesht për t’u mashtruar nga kërcënimi që po afrohet.
Krahas aftësisë për të siguruar ushqim dhe pije në një mënyrë të pazakontë, korbat janë të njohur edhe nga fakti se mbajnë në mend fytyrat e njerëzve dhe janë veçanërisht të aftë në njohjen e atyre që u kanë bërë keq. Madje, një studim vërtetoi se korbat mund të hamendësojnë se cilët njerëz mund të përbëjnë një kërcënim për ta duke interpretuar sjelljen e kalimtarëve. Domethënë, ata që ecin në rrugë, duke mos iu kushtuar vëmendje, nuk janë kërcënim për korbat, ndërsa ata që i shikojnë në sy mund të kenë qëllime të fshehta. /Katror.info
Përgatiti:
