Vizito dhjetë vendet më të mira në Evropë gjatë vjeshtës

Zakonisht rekomandimet për të vizituar vende të ndryshme bëhen gjatë pushimeve verore ose dimërore. Por, edhe vjeshta është një stinë e mrekullueshme me ngjyrat e saj të magjishme dhe kohën e përshtatshme për shetitje dhe udhëtime në vende të veçanta. Për juve që keni planifikuar të udhëtoni këtë vjeshtë, sjellim një listë prej dhjetë vendeve më të mira në Evropë.

Numër një për vallëzim: Amsterdami

Vjeshta është veçanërisht e bukur në Amsterdam, pasi gjethet bien në kanale dhe qirinjtë ndizen në dritaret e vjetra të shtëpive të qytetit që nga mesi i pasdites. Çdo tetor Amsterdam Dance Event (ADE) pushton ambientet në të gjithë qytetin me netë elektro, house dhe techno. Dhe më pas në nëntor Museumnacht mbërrin me 55 nga muzetë më të mirë të Amsterdamit që rrinë hapur edhe pas orarit të punës.

Për ditët e fundit të verës me diell: Madeira, Portugali

E vendosur në perëndim të Marokut, dielli i Afrikës së Veriut ngroh tokat e Madeira-s gjatë gjithë vitit, duke arritur temperaturat maksimale në shtator. Klima subtropikale e pasuron arkipelagun portugez me florë dhe faunë. Aty mund të shihni nga kaktusët gjigantë me gjemba deri te bimët me petale shumëngjyrëshe në kopshtet botanike. Në tetor mund të vizitoni festivalin vjetor të luleve, që organizohet në rrugë me parada dhe ngjarje të ndryshme.

Vendi më i mirë për lexim: Cheltenham

Vizitorët kanë vërshuar Cheltenhamin që nga shekulli i 18-të; atëbotë për t’u kuruar me ujërat e banjës shëruese dhe tani për serinë e festivaleve që zhvillohen gjatë gjithë vitit. Rrugët e gjera dhe shtëpitë Regency mbeten dhe ofrojnë sfondin e përsosur për eventet e xhazit, shkencës, muzikës dhe letërsisë. Festivali i Letërsisë Cheltenham Cheltenham Literature Festival  bie çdo tetor dhe ka një program të gjerë me më shumë se 100 shkrimtarë dhe folës të ftuar për të dhënë fjalime dhe lexime në vende në të gjithë qytetin. Ka diçka për të gjithë, nga trillimi dhe poezia te biografia dhe historia, si dhe seminare interaktive për fëmijë.

Vendi më i mirë për çokollatë të nxehtë: Vjena

Në vjeshtë, ndërsa ajri bëhet i freskët dhe i ftohtë, kultura e kafeneve në Vjenë ringjallet. Derisa ec rrugës me faqe të kuqe e gishta të ngrirë prej të ftohtit, e para gjë që të bjen në mend me porosit është një çokollatë e nxehtë e shijshme e cila vjen e zbukuruar me rum austriak ose Amaretto dhe përmbi me krem pana. Kjo përzierje magjike shpejt shkrin edhe të ftohtin më të keq dhe ka shumë vende ku mund të shijohet. Filloni në Café Landtmann, kafeneja arketipale Ringstrasse dhe e preferuara e Sigmund Frojdit, i cili do të ulej këtu me gazetat e tij dhe do të vëzhgonte zonjat dhe zotërinj duke ngrënë shtrudllet e tyre me mollë.

Vendi më i mirë për skijim në fillim të sezonit: Zermatt, Zvicër

Merrni skijat dhe përgatituni me rrëshqit poshtë pistës së madhe 21 km me pamjen e mahnitshme të Matterhorn-it. Kjo zbritje epike ju çon drejt e në fshatin e bukur, pa makina të Zermattit ku herë pas here mund të bëni ski edhe gjatë verës falë lartësisë së madhe dhe akullnajave Theodul. Sezoni i duhur fillon në fund të nëntorit dhe nuk ka nevojë të shqetësoheni për borën, pasi akullnaja rritet në fillim të vjeshtës nga borëbërësi më i mirë i Zermattit.

Vendi më i mirë për shoping: Antwerp, Belgjikë

Nëse vendosni të merrni tren nuk gaboni se ashtu do ta shihni njërin prej stacioneve më të mira të Evropës, Atwerpen Cetraal. Po ashtu një bonus tjetër është se nuk jeni të kufizuar se çka të merrni me vete e çka jo dhe mundeni me bo shoping pa u kufizar. Me kolegjin e tij të njohur të modës, qyteti është shtëpia e disa prej stilistëve më novatorë të Evropës dhe butikëve të tyre. Bëni një linjë për Dries van Noten dhe Essentiel Antwerp dhe kthehuni vë vendin tuaj me një gardërobë të re vjeshte.

Vendi ma i mirë me e pa rënien e gjetheve: Wye Walley, Wales

Më shumë se 20 milionë pemë gjenden në Luginën Wye  (Wye Valley) dhe Pyllin e Dean-it, dhe kjo po bëhet arsyeja kryesore pse ky vend është bërë i njiohur si destinacioni kryesor në Mbretërinë e Bashkuar për të shikuar rënien e gjetheve. Për të përjetuar lavdinë e pemëve gjetherënëse që marrin ngjyrën e kuqrremtë, është më mirë të lini makinën pas dhe t’i shtrëngoni çizmet tuaja për ecje. Shtegu Wye Valley Hiking fillon në Kështjellën Chepstow dhe iu çon mbi kodrat e Uellsit, poshtë luginave dhe përgjatë brigjeve të lumit Wye.

Vendi më i mirë për kulturë: Bilbao, Spanjë

Nuk ka asnjë mirëseardhje më të mirë sesa ajo e një qenushi. Pikërisht është një qen që ju përshëndet në Guggenheim Bilbao. Skulptura e qenit West Highland i Jeff Koons – i mbuluar tërësisht me lule – është vetëm një nga veprat e artit që përbëjnë koleksionin monumental të përhershëm të artit bashkëkohor dhe të shekullit të 20-të. Ejani për një fundjavë dhe kaloni një ditë brenda galerisë dhe një ditë jashtë saj duke admiruar arkitekturën e titanit të Frank Gehry përgjatë lumit Nervion të Bilbaos. Kaloni ujin përmes urës Zubizuri të Santiago Calatrava dhe më pas kaloni nëpër galeritë tregtare të qytetit duke u ndalur gjatë rrugës për ushqim në baret e saj të shumta.

Vendi më i mirë për kafenetë dhe baret komode: Stokholmi, Suedi

Meqë është në hemisferën veriore, në Stokholm ditët e gjata të verës fillojnë të zvogëlohen drejt pikës së tyre më të ulët prej vetëm gjashtë orësh dite në dimër. Prandaj, edhe kafenetë dhe baret e qytetit janë veçanërisht mikpritëse. Ia vlen të provohet ndarja e kohës për miqtë me pi një kafe të nxehtë dhe një simite sheqeri që njihet si fika – një zakon suedez. Ndërsa dita kthehet në natë, bëni rrugën për në Södermalm, ku turma shkon për të pirë dhe baret ju mirëpresin me një ngrohtësi të zhurmshme.

Më e mira gjatë kohës së të korrave: Umbria

Në vjeshtë, peizazhi Umbrian bëhet i artë me hardhitë që kthehen në të kuqe. Është stina e vjeljes së rrushit dhe do të takoni traktorë të ngushtë nëpër korsi dhe do të shihni shumë njerëz duke mbledhur të korrat nëpër fusha. Ashtu si vera, është momenti për bujarinë e çmuar të rajonit: tartufin, kërpudhat, gështenjat dhe vajin e ullirit. Vendasit festojnë me festa sagra në çdo qytet të vogël dhe vizitorët që e duan këtë shpirt italian janë të mirëpritur.