Dinosaurët kanë një reputacion si grabitqarët më të frikshëm të lashtë, por hulumtimet e reja tregojnë se 40 milionë vjet para tyre, grabitqarë po aq të frikshëm enden planetin tonë. Gjegjësisht, shkencëtarët kanë gjetur një fosil në Brazil, një kafkë dhe kocka pothuajse plotësisht të ruajtura, të një bishe të rrezikshme që është 265 milionë vjet e vjetër. Kafka e Pampaphoneuss biccai, me përmasa rreth 36 cm, u zbulua pranë São Gabriel, shkruan Katror.info.
“Kjo kafshë dukej e rrezikshme, duhet të ketë qenë e frikshme dhe e rrezikshme për cdo gjallesë që i ka dalur përpara”, tha paleontologia Stephanie Pierce nga Universiteti i Harvardit. Pampaphoneus i përket grupit të hershëm të dinocefalëve, zvarranikëve të mëdhenj primitivë që jetuan në periudhën Permian dhe u zhdukën afërsisht tridhjetë milionë vjet para shfaqjes së dinosaurëve.
“Kafsha kishte dhëmbë të përparmë të mëdhenj dhe të mprehtë të përshtatur për kapjen e gjahut,” tha Felipe Pinheiro, një paleontolog nga Universiteti Federal i Pampës (UNIPAMPA) në Brazil, siç raportohet nga Science Alert.
Mundesh me e lexu edhe…
“Rregullimi i dhëmbëve dhe arkitektura kraniale tregojnë se me gjasë ka qenë në gjendje të përtypë edhe kockat, ngjashëm me hienat moderne”, shtoi ai. Pampaphoneus jetoi në fund të periudhës gjeologjike Permian, pak para zhdukjes masive më të madhe deri më sot, kur 86 për qind e të gjitha llojeve të kafshëve në Tokë u zhdukën.
Fosilet e dinocefalëve të tjerë janë gjetur më parë në Rusi dhe Afrikën e Jugut, por Pampaphoneus biccai është e vetmja specie e tillë e njohur në Brazil. Paleontologët thonë se ky fosil i ruajtur mirë zbulon tipare të reja që ishin të panjohura më parë (një kafkë më e vogël u gjet në vitin 2008).
“Zbulimi i një kafke të re të Pampaphoneus pas një kohe kaq të gjatë është jashtëzakonisht i rëndësishëm për një pasqyrë më të mirë të jetës së kësaj kafshe, përpara se të ishte e vështirë ta dalloje atë nga të afërmit e saj rusë,” tha paleontologu Mateus A. Costa Santos nga UNIPAMPA. .
Pampaphoneus arrinte një lartësi prej tre metrash dhe peshonte 400 kilogramë të pabesueshëm. Por ai nuk bie në sy vetëm për përmasat e tij. Ky grabitqar i lashtë kishte një kafkë të ndërtuar dendur, si shumë dinocefale të tjerë, kështu që kjo specie mori emrin e saj – që në greqisht do të thotë “kokë e tmerrshme”.
Pas analizimit të kafkës, ekspertët përcaktuan se kocka e nofullës e paidentifikuar deri më tani mund të vinte nga një version edhe më i madh i Pampaphoneus biccai./Katror.info
Përgatiti:
