Studiuesit e Universitetit të Leeds-it kanë zbuluar arsyen se përse çokollata na shijon kaq shumë. Shkencëtarët analizuan procesin që ndodh kur ushqimi hahet dhe fokusohet në cilësi dhe jo në shije. Sipas tyre, vijat e trasha në brendësi të çokollatës ndihmojnë që ajo të jetë e butë dhe e shijshme, shkruan BBC.
Kur çokollata futet në gojë, sipërfaqja e ëmbëlsirës lëshon një shtresë yndyrore që e bën atë të lëmuar dhe të shijshme për receptorët tanë.
Dr. Siavash Soltanahmadi, i cili drejtoi studimin, shpreson se ky zbulim do të çojë në zhvillimin e një “gjenerate” të re çokollatash më të shëndetshme.
Mundesh me e lexu edhe…
“Studimi ynë krijon mundësinë që prodhuesit të krijojnë në mënyrë inteligjente çokollatë të zezë me një sasi të yndyrës të reduktuar,” u shpreh ai.
Por studiuesit pretendojnë se yndyra më e thellë brenda çokollatës luan një rol më të kufizuar dhe për këtë arsye sasia mund të reduktohet pa ndikuar shijen e çokollatës.
Profesor Anwesha Sarkar, nga Shkolla e Shkencës Ushqimore dhe Ushqyerjes në Leeds, tha se është “vendndodhja e yndyrës në përbërjen e çokollatës që ka rëndësi në çdo fazë të lubrifikimit, dhe kjo është hulumtuar rrallë”.
Dr Soltanahmadi tha: “Hulumtimi ynë hap mundësinë që prodhuesit të mund të dizajnojnë me inteligjencë çokollatën e zezë për të reduktuar përmbajtjen e përgjithshme të yndyrës.”
Ekipi përdori një “sipërfaqe 3D të ngjashme me gjuhën” që ishte projektuar në Universitetin e Leeds për të kryer studimin dhe studiuesit shpresojnë se e njëjta pajisje mund të përdoret për të hetuar ushqime të tjera që ndryshojnë strukturën, si akullorja, margarina dhe djathi./Katror.info
Përgatiti:
