Ne përpiqemi ta bëjmë trafikun më të pastër, me emetim të reduktuar të gazrave të dëmshëm dhe e njëjta gjë vlen edhe për aktivitetet e sporteve motorike. Kompania austriake AVL Racetech tani ka bërë një hap të rëndësishëm në këtë drejtim.
Divizioni i sporteve motorike i AVL prezantoi një prototip inovativ të motorit me djegie të brendshme me hidrogjen. Njësia e fuqisë është një motor kompakt turbo hidrogjeni me dy litra, me injeksion inteligjent uji që e lejon atë të arrijë një nivel të lartë të performancës.
Prototipi është motori i parë i garave i zhvilluar nga AVL Racetech. Ndryshe nga motorët e tjerë me djegie të brendshme me energji hidrogjeni, të cilët zakonisht funksionojnë me një nivel të lartë “ajri të tepërt” (me djegie të dobët) dhe kanë performancë më të ulët, motori i ri i garave AVL Racetech mund të gjenerojë një nivel të lartë të performancës prej rreth 150 kW për litër vëllim të punës.
Fuqia e tij totale është 410 kf në 6500 rpm. Çift rrotullimi i motorit, i cili u zhvillua në bashkëpunim me Humda Labin hungarez, është 500 Nm dhe është i disponueshëm në intervalin nga 3000 deri në 4000 rrotullime në minutë. /Katror.info
Përgatiti:
