Sot, rreth 10 mijë konsumatorë në Kosovë janë bashkuar bojkotit kundër çmimeve të larta, nismë kjo e përqendruar kryesisht në Prishtinë dhe rajon, por me pjesëmarrje edhe në qytete të tjera të vendit, kanë njoftuar organizatorët e bojkotit “Kosova Bojkoton”, një faqe kjo në Facebook.
Megjithëse pjesëmarrja është e konsiderueshme, organizatorët theksojnë se numri i konsumatorëve që iu bashkuan bojkotit mbetet ende i ulët për të arritur një ndikim të ndjeshëm në uljen e çmimeve. Ata bëjnë thirrje për mobilizim më të madh në ditët në vijim, shkruan Katror.info.
“Kemi nevojë për ndihmën tuaj, anëtarë të nismës! Duhet ta shpërndajmë këtë kauzë në çdo anë të vendit, në mënyrë që më shumë njerëz të informohen dhe së bashku të ushtrojmë presion për uljen e çmimeve.” thuhet në thirrjen e nismës.
Mundesh me e lexu edhe…
Sipas organizatorëve, bojkoti do të zhvillohet edhe më fuqishëm më 15 dhe 16 shkurt, ku për dy ditë rresht qytetarët do të refuzojnë të frekuentojnë marketet.
Sipas tyre kjo iniciativë konsiderohet si një akt i rëndësishëm i aktivizmit qytetar dhe ftojnë të gjithë të marrin pjesë.
“Çdo ditë varfërohemi duke paguar çmime të larta pa sens. Ndaj, shpërndajeni këtë nismë dhe bëhuni pjesë e këtij aktivizmi qytetar, i cili do të kujtohet si një nismë e vertetë e qytetarevë për të mirën e të gjithve”, apeluan organizatorët. /Katror.info
Përgatiti:
