Trembëdhjetë figura janë gjetur në rrënojat e Pompeit, një zbulim që ekspertët thonë se ofron dëshmi të traditave rituale pagane në qytetin e lashtë romak.
Figurat terrakote u gjetën në një pozicion të drejtë dhe besohet se kanë qëndruar në një raft në korridorin e një shtëpie të gërmuar së fundmi në një park arkeologjik në jug të Italisë, raportoi Guardian.
Arkeologët thanë në një deklaratë se skena e Lindjes së Krishtit nuk ishte qartësisht pjesë e traditës në qytetin pagan romak, i cili u zhduk nga shpërthimi i malit Vezuv në vitin 79 pas Krishtit, por ata besojnë se reliket u përdorën si pjesë e një rituali pagan.
Mundesh me e lexu edhe…
Disa nga figurat në formë njerëzore duket se i bëjnë homazh mitit të perëndeshës së kultit Cybele dhe dashurisë së saj, Attisit. Figurat të tjera tregojnë një kokë gjeli, një bajame, një arre dhe kone pishe. Në korridorin ku janë gjetur ka pasur edhe dekorime në mure.
Figurat u gjetën pranë Shtëpisë së Ledës dhe Mjellmës, të emërtuar sipas një afresku sensual që përshkruan një mit grek, të gjetur në një nga dhomat e shtëpisë në vitin 2019, ku po zhvillohen aktualisht punimet e gërmimit dhe restaurimit. Shtëpia besohet se i përkiste një tregtari të pasur, i cili e dekoroi shtëpinë e tij me afreske të frymëzuara nga mitet.
Rrënojat e Pompeit u zbuluan në shekullin e 16-të dhe vazhdojnë të ofrojnë një pasqyrë të jetës në qytetin antik./Katror.info
Përgatiti:
