Vetëm 3 vjeç, artisti i ri gjerman Laurent Schwarz ka hapur ekspozitën e parë në qytetin e tij të lindjes, Neubeuern. Laurent ka tërhequr vëmendjen gjatë muajve të fundit, me ofertat për pikturat e tij me akrilik që variojnë nga 10,000 deri në 270,000 euro, ndërsa shifrat për pikturën e tij të pare janë edhe më të larta.
Babai i Laurentit Philip Schwarz thotë se një nga pikturat me ofertat më të larta ka qenë piktura e tij e parë.
“Mendoj se koleksionistët janë të interesuar për punën e parë. Aktualisht jemi diku tek rreth 325,000 dollarë. Kjo është një shumë e paimagjinueshme. Në një moment, ai do të vendosë për veten e tij. Sigurisht, ka pikturat e preferuara që ne nuk do t’i shesim”.
Mundesh me e lexu edhe…
Laurent filloi të pikturojë një vit më parë gjatë një pushimi në Itali. Që atëherë, ai ka realizuar nga një pikturë në javë. Pavarësisht famës dhe vëmendjes, nëna e Laurentit, Lisa Schëarz, tha i takonte Laurentit të vendosë nëse dëshiron ende të pikturojë”- tha babai i vogëlushit.
“Nëse një ditë Laurenti më thotë që nuk mundet më, atëherë kjo është e gjitha dhe gjithçka është në rregull. Të jem e sinqertë nuk kemi asnjë plan, sepse ne vetë nuk e kemi kuptuar ende se çfarë po ndodh.
Jemi jashtëzakonisht krenarë dhe mirënjohës që njerëzit e shohin këtë art kaq tërheqës dhe thjesht e duan atë. Është e mahnitshme.”-tha nëna e 3-vjeçarit.
Ndërsa një prej vizitoreve, në ekspozitë, Masçela, tha se uroj shumë që Laurenti ta ruajë talentin e tij edhe kur të rritet.
“Picasso dikur tha se të gjithë janë artistë kur janë fëmijë, por është e vështirë të jesh artist i rritur. Shpresoj që Laurenti i vogël të vazhdojë të realizojë piktura të shkëlqyera”.
Ndërsa, pikturat e Laurentit ishin tashmë të ekspozuara në panairin më të madh të artit të Mynihut “art.muc” në prill 2024, kjo është ekspozita e tij e parë./Katror.info
Përgatiti:
