Buka kryeson listën e ushqimeve ma t’çume dam n’shumë shtete t’botës. E krejt, përfshirë edhe vehtten, jemi bashkfajtorë n’këtë gja; disa kemi ble bukë por nuk e kemi hangër, ose kemi ble edhe ne edhe dikush tjetër n’shtëpi dhe ka tepru shumë, ose – thjeshtë nuk e hajmë ma bukën e cila bahet bajat.
Mirë asht me reflektu e me kuptu që t’çumit dam e cilitdo produkt asht e damshme për xhepin, planetin dhe tregon mos-mirënjohjen tonë ndaj begatisë që e kemi. Kështu mënyra ma e lehtë për me e me e parandlau le gjy bukën e me shku posht, asht me ble veç qaq sa t’duhet. Megjithatë, ndonjëherë, kjo asht ma e lehtë me u thanë sesa me u ba. Për këtë arsye ne i kemi disa këshilla e ide se çka me ba kur t’tepron bukë.
1. SHTO JETËGJATËSINË E BUKËS:
Pavarësisht se çfarë lloj buke ke, mos e mbajë kurrë n’frigorifer. Temperatura e ulët e frigoriferit krijon lagështi dhe buka realisht myket shumë ma shpejtë. Andaj mbaje bukën n’paketimin origjinal, por mbylle mirë dhe ruje n’temperaturë dhome. Poashtu, nëse buka asht e gatume pa aditiv, mundohu me e mbështjellë me qese letre ose leckë gatimi – sepse këto e parandalojnë prishjen e bukës. Poashtu, ki vëmendjen që bukët pa aditiv munden jetëgjatësinë me e pasë ma t’shkurtë, andaj duhesh ma shumë kujdes me tregu. Kësisoji, buka qëndron disa ditë e mirë.
2. RRESHKE PAK BUKËN BAJATE:
Preji rriskat e bukës e rreshki ato n’furrë. Mundesh me i rreshkë edhe n’toster ose n’tigan. Shkojë super shumë me ve, reçel, gjalpë për mëngjes, e pse jo edhe me supa.
Mundesh me e lexu edhe...
3. PËRGATIT BRUSKETA:
Buka bajate s’ka nevojë hiç me shku dam, sidomos nëse ke pak domate e pak kohë me i përgatitë brusketat krokante e super t’shijshme italiane. Mjafton me i marinu domatet n’vaj e uthull balsamile, mei rreshke bukët e me i shiju qoftë si paragjellë, meze ose thjeshtë si pjatë n’vehte.
4. RRESHKI COPËZAT E BUKËS E BAJI KRUTONË:
Kjo asht nji mënyrë e shkëlqyeshme me i përdorë koret e mbetura dhe skajet e bukës. Megjithatë, secila bukë bajate asht perfekte për me u shnëdërru n’krutonë. Mjafton me i coptu, me i rreshkë n’furrë e me i përdorë qoftë për ndonjë supë – sikurse supa me thjerrëza e limon, qoftë për ndonji sallatë – sikurse asht Pananzella, ose Sallata Cezariane.
5. PËRGATITE BUKË ME HUDHËR:
Buka me hudhër asht recetë që nuk ka qysh me dështu, si ke buka taze, si bajat, sepse, qoshet krokante t’bukës t’rreshkun, shija barishtore e magdanozit t’freskët, butësia e tulit t’bukës me hudhër e kashakvall e komplementojnë n’mënyrën ma perfekte këtë specialitet viral.
Besojmë që tashma ke ide se qysh mos me lanë bukën me t’shku dam, por edhe qysh me e shiju atë – pa pasë nevojë me e ble bukën e re, e mos me hangër t;vjetrën. /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
