Kuzhina meksikane asht nji ndër kuizinat ma t’famshme e ma t’preferume t’njerëzve t’kulturave t’ndryshme n’mbarë botën. Ajo njihet për delikatesat n’petë, me shumë djegësti, përbërës t’freskët e kombinime interesante, por edhe për variacionet e ndryshme t’cilat i ofron. E jo kot, tacos, tortillas, enchiladas, tamales e specialitete t’ngjashme kanë zanë vend n’menytë e mijëra restoranteve anë e mbanë.
Edhepse kuzhina meksikane ka shumëçka me ofru, ne jemi mundu me t’i mbledhë recetat me autentike e ma interesante meksikane n’1 artikull t’vetëm.
1. TORTILLË MEKSIKANE MËNGJESI
Tortillat e mëngjesit janë ba tashma trend n’rrjete sociale prej shumë blogerëve e blogereve t’fitnesit e t’ushqimit – me t’drejtë; po ta jepin startin që nime t’duhet për me pasë nji ditë t’mirë e efektive. E këtë e dëshmon edhe tortilla meksikane, e cila ta jep nji “twist” pikant për mëngjes.
Mundesh me e lexu edhe…
2. FAJITAS ME PULË
Fajitas me pulë janë receta që t’ofron plot shije; prej specave dhe mishit t’pulës, por edhe erëzave, peta e tortillës me pak salcë kosi e pak salsa pikante meksikane asht krejt çka t’duhet për mos me u mendu dy herë e me i përvëjelë mangët për me e përgatitë këtë specialitet. Edhe s’ka kushedi çfarë filozofie, veç ama ka pak marifet që mrrihet n’4 hapa t’thjeshtë.
3. QUESEDILLAS ME PASUL DHE SPINAQ
Quesedillas me pasul dhe spInaq janë nji gërshetim autentik i kesedijave meksikane me përbërës jo bash meksikan, por plot shije e që mundesh brenda 10 minutave me e pasë hazër.
4. ENCHILADAS PREJ KUNGULESHE
Receta e enchiladas prej kungulleshe asht nji version ma i shnetshëm i enchiladas, version ky që nuk ja len keq me shije, por që nuk përmbanë kalori. Ideale për njerëzit që mbajnë dietë, ruhen prej brumnave apo thjeshtë preferojnë me u ushqy ma shnetshëm. E patjetër që nji pjatë me enchiladas prej kungulleshe, asht nji pjatë me plot shije.
5. QUESEDILLAS ME PASUL DHE KASHKAVALL
Quesedillas me pasul dhe kashkavall janë nji kombinim autentik i kuizinës meksikane t’cilat mundesh brenda pak minutave me e pasë hazër, veçanarisht nëse je lodhë n’punë e je t’u pritu me gatu diçka ma t’komplikume. Gati n’2 hapa super t’thjeshtë.
6. FAJITAS ME KËRPUDHA DHE PERIME
Fajitas me kërpudha dhe perime asht versioni vegjetarian i fajitave e që asht i përshtatshëm për çdo vegjetarian e vegan. Shija e kërpudhave e zavendëson shijen e mishit bukur shumë dhe n’kombinim me perimet e tjera e kompleton këtë pjatë meksikane, thjeshtë duke i ndjekë 3 hapa super t’thjeshtë.
7. FAJITAS ME MISH VIÇI DHE PERIME
Njilloj sikurse edhe dy versionet e lartpërmenduna, edhe fajitat me mish t’viçit dhe perime, salcë kosi dhe sallatë avokadoje me domate asht nji kombinim që s’duhet me u humbë. E çka asht ma e mira – këto fajita mundesh me i përgatitë n’2 hapa t’thjeshtë dhe n’1 tepsi t’vetme.
T’gjitha këto receta ti mundesh lehtësisht me i përgatitë qoftë për drekë apo edhe darkë e me i shiju n’kushte shtëpije njilloj qysh i kishe shiju me ndonji restoran meksikan, pa pasë nevojë me ba harxhime t’mëdhaja. Madje, ti mundesh me e përgatitë edhe salsën pikante meksikane dhe sallatën me lakër t’kuqe që me i shoqnu këto pjata me to.
Gjithashtu, n’rehatinë e shtëpisë ti mundesh me lexu se cilat janë 6 faktet ma interesante mbi kuizinën meksikane – veç pse mundesh. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
