Në këtë të diel sportive po ua sjellim një super lajm 🙂
Se punë të mira vullnetare bohen në vendin tonë po dëshmohet çdo herë e ma shumë.
Mundesh me e lexu edhe…
E ngjajshme është edhe nisma jonë që tashmë është realitet.
Falë këtij zotimi është hapë një horizont i ri për promovimin e sportit të pingpongut, angazhimin dhe ndihmesën në ri-aktvizimin e klubit të ping pongut për djemt dhe themelimin e ekipit të vajzave në Bardh të Madh të Fushë Kosovës dhe promovimi i kauzave të tjera të mira për shoqërinë.
Klubi i Ping Pongut Kosovari nga sot ka të regjistruar 70 fëmijë të grupmoshave të ndryshme, shumë vajza dhe djem sportista aspirues.
KPP Kosovari tashmë është i regjistruar në të gjitha institucionet relevante dhe ka të funksionalizuar Kryesinë dhe Ekipin e parë që garojnë në kuadër të kompeticioneve të organizuara nga Federata e Pingpongut e Kosovës.
E tashmë që rreth Klubit janë mbledhur shumë fatosa që aspoirojnë që në një të ardhme emrin e ‘Kosovarit’ ta ngrisin aty ku ishte dikur, puna ka nis’ me intensitet të lartë nën kujdesin e dy trajnerve Agron Simnica dhe Jahja Tërmkolli që po ashtu këtë angazhim e bëjnë vullnetarisht.
Për një kohë shumë të shkurtër shumë aktivista e sportista u mblodhën rreth kësaj iniciative e tashmë ky klub sportiv ndonëse i ri por me shumë histori ka afër vetes edhe sponsorët e parë që ndihmuan që gjithçka të funksionjë për lakmi.
E sot, kur fjalët janë përcjellë nga veprat dhe kjo nismë është jetësu, çikat e djemtë tanë po e dëshmojnë talentin, e Katror Media si gjithmonë po i rrin gati promovimit të aktivizmit qytetar si diçka që është shpresë për krejt, se e mira e përbashkët arrihet./Katror.info
Përgatiti:
