Instituti Hidrometeorologjik i Kosovës ka njoftuar se sot parashikohet të mbajë mot kryesisht i vranët me intervale me diell.
Sipas institutit, temperaturat do të jenë tipike për stinën e pranverës, duke krijuar kushte të favorshme për një sërë aktivitetesh.
“Qytetarët mund të përfitojnë nga moti për shëtitje në natyrë, punë të lehta në kopshte, serra apo oborre, si dhe për aktivitete rekreative në ambiente të hapura. Megjithatë, të dielën parashihet një ndryshim i shpejtë në shtresat e ulëta dhe të mesme të atmosferës (troposferë), i cili do të sjellë ulje të ndjeshme të temperaturave, si në vlerat minimale ashtu edhe në ato maksimale.”
Mundesh me e lexu edhe…
“Fillimisht do të ketë reshje shiu, ndërsa më vonë pritet që reshjet të kalojnë në bore duke përfshirë edhe shumë pjesë të viseve të ulëta. Megjithëse këto reshje do të jen të përkohshme. Në viset e larta parashihen vetëm reshje bore. Kjo situatë meteorologjike do të krijojë kushte për paraqitjen e ngricave në fillim të javës së ardhshme, të cilat mund të kenë ndikim negativ në kulturat e hershme bujqësore, veçanërisht në pemëtari”, thuhet në njoftim.
Instituti udhëzon bujqit dhe fermerët që të marrin masa preventive për të mbrojtur prodhimin dhe kulturat e ndjeshme nga ndikimi i këtyre kushteve të pafavorshme të motit./Katror.info
Përgatiti:
