Leonora Mehmetaj Hajdini është emri që qëndron pas suksesit të Novus, një kompani inovative në fushën e teknologjisë që ka shënuar rritje të shpejtë dhe ndikim të gjerë në vetëm 13 vite aktivitet.
Si CEO e kësaj kompanie me një portofol të pasur shërbimesh – nga siguria kibernetike, ndërtimi dhe optimizimi i rrjeteve, e deri tek konsulenca digjitale për biznese dhe institucione – Leonora përfaqëson një figurë frymëzuese për shumë të rinj e të reja që synojnë të ndërtojnë karrierë në teknologji, shkruan Business Magazine Albania.
Pavarësisht se Novus është një kompani relativisht e re, ajo ka realizuar mbi 150 projekte në sektorë të ndryshëm, duke ofruar zgjidhje të avancuara në sigurinë kibernetike, integrimin e sistemeve, zhvillimin e softuerit dhe rrjetet kompjuterike. Aktiviteti i kompanisë shtrihet jo vetëm në Kosovë dhe rajon, por tashmë edhe në tregun amerikan – një dëshmi e zgjerimit të vazhdueshëm dhe potencialit global që Novus përfaqëson.
Mundesh me e lexu edhe…
Në një intervistë ekskluzive për Business Magazine Albania, Leonora ndau përvojat e saj si sipërmarrëse në një sektor sfidues si ai i IT-së, duke folur për strategjitë e rritjes ndërkombëtare të Novus dhe rolin e pazëvendësueshëm të grave në industrinë e teknologjisë. Ajo thekson rëndësinë e edukimit, përkushtimit dhe guximit për të ndërtuar një karrierë të qëndrueshme, por edhe për të krijuar një kulturë të barazisë dhe inovacionit në biznes.
Rrugëtimi i saj, që nga vitet akademike e deri tek udhëheqja e një kompanie me ndikim ndërkombëtar, është një histori suksesi që frymëzon. Me vizion të qartë dhe strategji të qëndrueshme, Leonora po tregon se gratë kanë një rol kyç në ndërtimin e së ardhmes digjitale.
Artikulli është publikuar në faqen 42 të numrit 37 të Business Magazine Albania. https://businessmag.al/product/nr37/.
/Katror.info
Përgatiti:
