Nga data 7 deri më 11 prill 2025 po zhvillohet një ushtrim rajonal i ashtuquajtur “FloodNorthAlb”, në Shkodër të Shqipërisë.
E në këtë ushtrim po marrin pjesë edhe agjencitë e mbrojtjes civile nga Greqia, Qipro, Bullgaria, Mali i Zi, Maqedonia e Veriut dhe Italia.
Gjithashtu, disa shtete të tjera nga rajoni dhe Evropa po marrin pjesë në cilësinë e vëzhguesve.
Mundesh me e lexu edhe…
Ushtrimi “FloodNorthAlb” në të cilin Kosova është pjesëmarrëse, synon forcimin e bashkëpunimit dhe koordinimit ndërmjet agjencive të mbrojtjes civile në rastet e përmbytjeve, përmes simulimeve reale të situatave emergjente dhe aktivizimit të ekipeve operacionale në terren dhe mekanizmit Evropian të Mbrojtjes Civile.
“Kosova është pjesëmarrëse bazuar në marrëveshjen ndërshtetërore për ndihmë reciproke në rastet e fatkeqësive natyrore dhe fatkeqësive të tjera, i mbështetur nga Agjencia e Menaxhimit të Emergjencave” – thuhet në njoftim.
Republika e Kosovës përfaqësohet në këtë ushtrim nga Agjencia e Menaxhimit Emergjent, me ekipin operacional të Kërkim-Shpëtimit në Ujëra Sipërfaqësorë, i përbërë nga 17 pjesëtarë të trajnuar dhe të pajisur për intervenim në situata emergjente në përmbytje.
Kështu ka njoftuar, Agjencia e Menaxhimit të Emergjencave ku thuhet se në këtë ushtrim po marrin pjesë nga kjo agjenci si dhe nga Ministria e Punëve të Brendshme.
Në njoftim thuhet se ushtrimi po përcillet nga afër nga drejtuesit e agjencive homologe dhe zyrtarë të lartë nga shtetet pjesëmarrëse ndërsa pjesëmarrja në “FloodNorthAlb” është dëshmi e përkushtimit të Republikës së Kosovës për të qenë pjesë aktive dhe kontribuuese në mekanizmat rajonalë dhe evropianë të reagimit ndaj fatkeqësive natyrore.
“Drejtori Ekzekutiv i Agjencisë së Menaxhimit Emergjent, z. Genc Metaj, ka vlerësuar lart angazhimin profesional të pjesëtarëve të ekipit të Kosovës, si dhe ka theksuar rëndësinë strategjike të pjesëmarrjes së Kosovës në këto ushtrime për rritjen e ndërveprimit të kapaciteteve operacionale dhe shkëmbimin e përvojave me vendet partnere” – theksohet në njoftimin e datës 09.04.2025. /Katror.info
Përgatiti:
