Nëse po mendon të udhëtosh drejt qytetit që “nuk fle kurrë”, New York-ut, ka disa informacione të rëndësishme që duhet t’i kesh parasysh përpara se të bësh gati valixhet. Qyteti është dinamik, kaotik dhe njëkohësisht magjepsës – por kërkon përgatitje!
Udhëtarët nga Shqipëria kanë nevojë për vizë turistike (B2) për të hyrë në SHBA. Aplikimi duhet bërë me kohë, pasi procedurat mund të marrin javë apo muaj.
Në SHBA, pagesat bëhen vetëm me dollarë. Edhe pse shumica e vendeve pranojnë karta bankare, është mirë të kesh para të gatshme për raste të veçanta si ndonjë taksi apo dyqan i vogël, përcjell Top Albania Radio.
Mundesh me e lexu edhe…
Mos harro bakshishin
Në Amerikë, bakshishi është pjesë e pandashme e shërbimit. Në restorante, taksi, hotele apo sallone bukurie, pritet të lësh 15-20% të faturës.
Metroja, shpëtim për buxhetin dhe kohën
Edhe pse mund të duket e komplikuar në fillim, metroja është mjeti më efikas për të lëvizur në qytet. Aplikacione si “Citymapper” apo “MTA” ndihmojnë për të mos humbur rrugën.
Çmimet janë në nivel tjetër
Çdo gjë në NYC është “e madhe” – përfshirë edhe faturat. Përgatitu për çmime të larta, që nga ushqimi e deri te akomodimi.
Moti është i paparashikueshëm
Sezonet e pranverës dhe vjeshtës janë ideale për të vizituar qytetin. Vera është tepër e nxehtë, ndërsa dimri shumë i ftohtë, ndaj kontrollo motin para udhëtimit.
Eksploro më shumë se Times Square
New York-u ofron shumë më tepër se atraksionet turistike klasike. Çdo lagje ka stilin dhe shpirtin e saj – nga Brooklyn-i alternativ te Manhattan-i ikonik.
New York-u është një eksperiencë unike që të sfidon, të frymëzon dhe të lë pa fjalë. Përgatitu mirë, dhe lëre qytetin të të mahnitë! /Katror.info
Përgatiti:
