Në rajonin e lashtë të Cumbria-s në Angli, një grua mbeti e tronditur kur kuptoi se breshka e saj shtëpiake, Leonardo, ishte zhdukur pa gjurmë.
Rachel Etches nga qyteti Ulverston lejonte shpesh që Leonardo të shëtiste lirshëm në oborr. Por një moment pakujdesie mjaftoi që kjo ditë loje të kthehej në një aventurë të paparashikuar — breshka u arratis dhe nisi një udhëtim 9-mujor nëpër fshat, pikërisht në prag të dimrit, shkruan BBC, përcjell Katror.info.
E shqetësuar për sigurinë e kafshës së saj gjysmë tropikale, Rachel nisi një fushatë në rrjete sociale për ta gjetur para se temperaturat të binin ndjeshëm.
Mundesh me e lexu edhe…
Por Leonardo i befasoi të gjithë. Pas shkrirjes së borës në pranverë, një person që shëtiste qenin e gjeti breshkën duke u endur në rrugë, rreth një kilometër larg shtëpisë.
“Ka bërë një udhëtim nëpër fshatin tonë të vogël dhe u gjet vetëm një milje larg shtëpisë,” i tha Rachel BBC-së. “Ishte plotësisht faji im – ishim në kopsht, sapo kishim pasur fëmijën tonë të dytë dhe u shpërqendrova për pak çaste.”
Leonardo kishte kaluar 13 vite të qeta nën një llampë nxehtësie në shtëpi, kështu që askush nuk priste që ai të përballonte dimrin e ftohtë anglez.
Por breshka e vogël tregoi forcë të madhe — duke gjetur ushqim, shmangur grabitqarët dhe mbijetuar përmes acarit./Katror.info
