Presidenti amerikan, Donald Trump, ka mohuar se po e shqyrton mundësinë për një mandat të tretë si i pari i Shteteve të Bashkuara të Amerikës, raporton BBC.
“Do jem president për 8 vjet, president për dy mandate. Gjithmonë kam menduar që është shumë e rëndësishme” – ka thënë Trump në një intervistë për NBC.
Sipas BBC, më herët, Trump kishte deklaruar se synon edhe mandatin e tretë, por që më pas ka thënë se ajo deklaratë ishte për të tallur ‘mediat e lajmeve të rreme’.
Mundesh me e lexu edhe…
Gjatë intervistës Trump ka deklaruar se ka njerëz që dëshirojnë që ai të vazhdojë edhe mandatin e tretë si president, por që ai vetë nuk synon mandatin e tretë.
JD Vance që është zëvendëspresident dhe Marco Rubio që në këtë mandat është Sekretar Shteti, Trump i sheh si personat që mund të vijnë në vendin e tij.
Amandamenti i 22-të i Kushtetutës së SHBA-ve thotë “asnjë person nuk mund të zgjidhet president më shumë se dy herë”.
Për të ndryshuar Kushtetuën e SHBA-së duhet 2/3 e votave në Senatin amerikan, 2/3 në Kongres si dhe aprovimi nga 3/4 e qeverive lokale të shteteve përbërëse të SHBA-së.
Donald Trump është zgjedhur presidenti i 47-të i Shteteve të Bashkuara të Amerikës.
Trump është rikthyer në Shtëpinë e Bardhë pas fitores ndaj demokrates Kamala Harris, e cila nuk ia doli të bëhej presidentja e parë grua në Amerikë.
Republikani Trump, 78-vjeçar, në zgjedhjet e vitit 2024 kishte siguruar votat e 312 anëtarëve të Kolegjit Elektoral.Donald Trump ka qenë president i SHBA-së nga viti 2017 deri më 2021, më pas president ishte zgjedhur demokrati Joe Biden./Katror.info
Përgatiti:
