Një studim i ri nga Universiteti i Kembrixhit sugjeron se vizitat në muze dhe angazhimi me artin mund të përmirësojnë aftësinë e njerëzve për të menduar në mënyrë abstrakte.
Studiuesit analizuan reagimet e 187 pjesëmarrësve që morën pjesë në një ekspozitë qeramike në galerinë Kettle’s Yard në Kembrixh. Një pjesë e grupit u udhëzua të vlerësonte bukurinë e veprave të artit, ndërsa grupi tjetër thjesht i shikonte ato pa ndonjë detyrë specifike. Rezultatet treguan se ata që u përfshinë më thellë në analizimin estetik të veprave treguan nivele më të larta të të menduarit abstrakt.
Sipas Dr. Elzė Sigutė Mikalonytė, autore e studimit, kjo lloj përfshirjeje estetike ndihmon njerëzit të çlirohen nga “strukturat mendore të jetës së përditshme”, duke nxitur një mënyrë më të lirë dhe krijuese të të menduarit. Ajo theksoi se në një botë gjithnjë e më të dominuar nga ekranet dhe teknologjia, mundësitë për të ushtruar mendimin abstrakt po bëhen gjithnjë e më të rralla.Profesoresha Simone Schnall, bashkautore e studimit, shpjegoi pse u zgjodh pikërisht qeramika si formë arti për këtë kërkim.
Mundesh me e lexu edhe…
“Një vepër madhështore e një mjeshtri të vjetër do të ishte shumë e fuqishme për këtë eksperiment. Na duhej një formë arti që kërkon vëmendje të qetë dhe reflektim të thellë mbi natyrën e bukurisë,” tha ajo.
Megjithëse pjesëmarrësit që përjetuan artin në mënyrë aktive menduan më në mënyrë abstrakte, studimi nuk gjeti ndonjë ndikim të drejtpërdrejtë në humor apo ndjenja lumturie. Megjithatë, studiuesit theksuan rëndësinë e krijimit të hapësirave ku njerëzit mund të shkëputen nga rutina dhe të lënë mendjen të endet lirshëm.
“Admirimi i artit mund të jetë mënyra perfekte për të rikthyer një mënyrë mendimi që po humbet në kohët moderne,” përfundoi Dr. Mikalonytė./Katror.info
Përgatiti:
