irja e kafesë është kthyer në një ritual të përditshëm për miliona njerëz në mbarë botën, duke ofruar jo vetëm energji, por edhe përfitime të shumta për shëndetin fizik dhe mirëqenien mendore.
Sipas një studimi të publikuar në “Journal of Psychopharmacology”, kafeja përmirëson disponimin, nxit ndjenjat e miqësisë dhe e bën ndërveprimin social më të këndshëm.
Përveç efektit emocional, ajo është e pasur me vitamina të grupit B dhe K, riboflavinë dhe mbi 1000 përbërës bimorë bioaktivë, shumë prej të cilëve kanë veti antiinflamatore dhe mbrojtëse për organizmin, shkruan Top Albania Radio.
Mundesh me e lexu edhe…
Kafe e nxehtë apo e ftohtë? Ja dallimet kryesore…
Një studim i publikuar në “Scientific Report” tregon se kafeja e nxehtë përmban një sasi më të lartë antioksidantësh krahasuar me atë të ftohtën.
Antioksidantët ndihmojnë në forcimin e sistemit imunitar, përmirësimin e funksioneve të trurit dhe mbrojtjen e zemrës.
Nga ana tjetër, kafeja e ftohtë ka një aciditet më të ulët dhe një shije më të butë, duke qenë më e përshtatshme për personat që vuajnë nga refluksi gastrik apo ndjeshmëri në stomak.
Megjithatë, vlera e pH-së së të dy formave është e ngjashme – mes 4.85 dhe 5.13 – por reagimi i trupit mund të ndryshojë sipas ndjeshmërisë individuale.
Cilin variant të zgjedhim?
Për më shumë antioksidantë dhe përfitime shëndetësore: zgjidhni kafenë e nxehtë.
Për stomak të ndjeshëm ose gjatë ditëve të nxehta: kafeja e ftohtë është më e lehtë për tretje.
Në mëngjes: kafeja e nxehtë ndihmon në zgjuarjen e sistemit nervor dhe përmirëson qarkullimin.
Në pasdite: një kafe e ftohtë ofron freski dhe është më e lehtë për organizmin.
Ekspertët theksojnë se të dyja format sjellin përfitime të vlefshme dhe zgjedhja duhet të bëhet sipas nevojave dhe stilit të jetesës së secilit individ. Çelësi i gjithçkaje mbetet një: konsumi i moderuar. /Katror.info
Përgatiti:
