Diaspora shqiptare që jeton në Belgjikë nga tash do të ketë mundësi që të prezantojë të arriturat individuale, sukseset e familjarëve apo miqve përmes emisionit më të ri “Origjina Show” te realizuar nga Televizioni TvR.
“Origjina Show është show më i ri televiziv i drejtuar nga showmani Rifat Avdiu i njohur për drejtimin dhe organizimin e shumë show-emisioneve dhe spektakleve televizive në Kosovë dhe Diasporë. Ky show do te sjellë çdo javë nga Brukseli momente interesante me personazhe të spikatura nga Diaspora shqiptare,” thuhet në njoftimin në uebfaqen e TvR.
TvR ka hapur një përfaqësi në Bruksel për të qenë më afër diasporës shqiptare për të prezantuar dhe afirmuar aktivitetin e saj. “Origjina Show” është projekti i parë i Përfaqësisë së TvR-se në Bruksel, me producentë Rifat Avdiun dhe afaristin Përparim Rekën. Emisioni do të transmetohet çdo javë në RTV21 dhe TVR.
Mundesh me e lexu edhe…
Përgatiti:
