Jane Birkin, aktorja dhe këngëtarja e njohur që u nda nga jeta në vitin 2023, la pas jo vetëm një trashëgimi të pasur artistike, por edhe një ndikim të thellë në botën e modës
Artikulli më emblematik i lidhur me emrin e saj është padyshim çanta legjendare “Hermès Birkin”, që me kalimin e kohës u bë simbol i luksit dhe statusit global.
Si lindi një ikonë mode?
Mundesh me e lexu edhe…
Historia e krijimit të çantës Birkin është po aq unike sa edhe vetë Jane. Në vitin 1984, gjatë një fluturimi, ajo u gjend pranë Jean-Louis Dumas, drejtorit ekzekutiv të Hermès në atë kohë. Gjatë bisedës, Birkin u ankua se nuk arrinte të gjente një çantë që t’i përshtatej stilit të saj të jetesës, “një çantë gjysmën e madhësisë së valixhes sime”, siç u shpreh ajo.
Dumas i kërkoi që të vizatonte çantën që kishte në mendje, dhe pikërisht mbi një çantë avioni, Jane skicoi idenë e saj. Kjo skicë rastësore do të shndërrohej më vonë në një nga modelet më të njohura në historinë e modës – Birkin, transmeton Telegrafi.
Çanta origjinale del në ankand
Shtëpia e famshme e ankandeve Sotheby’s do ta ofrojë çantën origjinale të Jane Birkin në një ankand të veçantë që do të mbahet më 10 korrik në Paris. Ajo përshkruhet si “versioni i parë i një ikone të përjetshme të luksit”.
Modeli është i zi, prej lëkure cilësore, me një rrip të gjerë dhe detaje metalike që e dallojnë nga të gjitha versionet pasuese. Çanta ka deri në shtatë dallime në krahasim me modelet që u prodhuan më vonë duke filluar nga madhësia dhe forma, deri te kopsat prej bronzi, unazat metalike dhe thumbat në fund. Në pjesën e përparme janë të gdhendura inicialet e saj: “J.B.”.
Një tjetër element interesant dhe personal është një palë lima thonjsh të varura nga rripi i çantës, një prekje e veçantë që e bën këtë objekt edhe më autentik dhe të lidhur me personalitetin e Birkin.
Ekspozimi dhe rëndësia kulturore
Çanta do të jetë e ekspozuar për publikun në galerinë e Sotheby’s në Nju Jork nga 6 deri më 12 qershor, përpara se të kalojë në Paris për ankand.
Përtej vlerës materiale, ky model i veçantë përfaqëson një epokë të tërë në historinë e modës, si dhe një lidhje të fuqishme mes krijimtarisë artistike dhe jetës reale të një gruaje që me spontanitetin dhe stilin e saj ndikoi në botën e luksit për dekada me radhë. /Katror.info
Përgatiti:
