Të gjithë të rinjtë e moshës 18–30 vjeç që kanë dëshirë të krijojnë dhe të eksperimentojnë me materiale të mbicikluara, ende mund të aplikojnë për të marrë pjesë në “Punëtoritë e Mbiciklimit 3: Posterat”, që do të mbahet më 21 qershor, shkruan Katror.info.
Përmes kësaj punëtorie, pjesëmarrësit do të kenë mundësinë të mësojnë teknika artizanale dhe të krijojnë postera shumëngjyrësh duke përdorur qese plastike – një formë kreative e mbrojtjes së mjedisit përmes artit. Ngjarja është një hapësirë bashkëpunimi dhe shprehjeje për të rinjtë që duan të kontribuojnë në komunitet dhe të ngrenë zërin për çështje që i prekin.
📅 Afati për aplikim është deri sot, 19 qershor, dhe formulari mund të plotësohet përmes këtij linku.
