Në muajin qershor, vizitorët e huaj që hynë në territorin shqiptar shënuan një rritje 7 për qind krahasuar me të njëjtin muaj të një viti më parë.
Shifrat e Institutit të Statistikave për Lëvizjen e Shtetasve konfirmojnë një ecuri pozitive të sektorët edhe pse rritja është ngadalësuar dukshëm në raport me rritjen që shënoi një vit më parë.
Qershori i vitit 2024 regjistro një rritje 23 për qind krahasuar me 2023-in ndërkohë që edhe si 6 mujor shifrat janë dukshëm më të ulëta.
Sipas të dhënave, për 6 mujorin e parë të huajt u rritën me 4.8 për qind krahasuar me 6 mujorin e parë të vitit të shkuar.
Dhe se muaji me rritjen më të mirë për këtë vit ishte janari me 14.4 për qind rritje te numri i vizitorëve të huaj.
Muaji qershor rezulton në një bilanc si muaji dytë më i mirë.
“Gjatë muajit qershor 2025, rezultojnë të kenë hyrë, në territorin e Republikës së Shqipërisë, 2.062.775 shtetas shqiptarë dhe të huaj.
Ky tregues ka pësuar një rritje me 7,6%, krahasuar me qershor 2024. 1.918.569 shtetas shqiptarë dhe të huaj rezultojnë të kenë dalë nga territori i Republikës së Shqipërisë, duke shënuar një rritje me 7,2%, krahasuar me të njëjtën periudhë të një viti më parë.
Në qershor 2025, numri i shtetasve shqiptarë që kanë hyrë në territorin shqiptar është 733.571, duke pësuar një rritje me 8,5%, krahasuar me qershor 2024.
Numri i shtetasve të huaj që kanë hyrë në territorin shqiptar është 1.329.204. Ky numër është rritur me 7,1%, krahasuar me të njëjtën periudhë të vitit 2024
Në muajin qershor 2025, 710,963 shtetas shqiptarë numërohen të kenë dalë nga territori i Shqipërisë, duke shënuar rritje me 10,7%, krahasuar me qershor 2024.
Daljet e shtetasve të huaj nga territori i Shqipërisë gjatë muajit qershor 2025, janë 1.207.606. Krahasuar me të njëjtën periudhë të një viti më parë, ky tregues është rritur me 5,3%.
Në qershor 2025, 94% e hyrjeve të shtetasve të huaj në Shqipëri janë nga rajoni i Evropës.
Evropa Jugore zë 70% të hyrjeve të shtetasve të huaj nga kontinenti Evropian, ndjekur nga Evropa Perëndimore dhe Evropa Qendrore / Lindore me nga 11%./AP/Katror.info
