Një ditë para Gala mbrëmjes “Rame Lahaj and Friends”, që është kulmi në kuadër të Festivalit Ndërkombëtar të Operës “Rame Lahaj”, tenori Ramë Lahaj dhe kryetari i Komunës së Prishtinës Përparim Rama, mbajtën konferencë për media, raporton Ekonomia Online.
“Kam nderin dhe kënaqësinë të jem pranë kolegëve, me të cilët kam filluar. Thjesht, jam falënderues për të gjithë ata që besojnë në projektin tonë, që investojnë në projektin tonë dhe po shpresoj që të takohemi në 10-vjetorin e koncertit”, tha Lahaj.
Ndërsa, kryetari i Prishtinës, Përparim Rama, tha se është kënaqësi e veçantë organizimi i këtij koncerti në Prishtinë
Mundesh me e lexu edhe…
“Është nder i veçantë, kënaqësi, të kemi artistë të mëdhenj, të nderuar. Zëra të operas që kanë performuar në vende të ndryshme të botës, që sot falë Ramë Lahajt po e gjejnë shtëpinë e tyre në Prishtinë. Këtë sallë koncertale dhe hapësira të tjera do t’i kemi në të ardhmen. Vetë qyteti është shndërruar në sallë koncertale. I kemi garat mediterane. Kemi investime të mëdha që po ndodhin edhe në sport.
Kryeqyteti është transformuar në kryeqytet të eventeve të mëdha. Përveç performancave të mrekullueshme, përkrahja jonë për festivalin është e vazhdueshme, do të vazhdojë edhe katër viteve të ardhshme gjatë të cilave unë gjithsesi do të jem kryetar i kryeqytetit. Ramë Lahaj nuk kam dyshim që do të rritet lart e më lart këtu në kryeqytet. Shumë shpejt uroj e besoj që ne t’i kemi edhe hapësirat publike, jo vetëm fizike për t’i mundësuar një qasje edhe më serioze artit dhe kulturës në kryeqytet”, tha Rama./EO/Katror.info
