13-vjeçari Orhan Tahiri, ka ëndrra të mëdha për jetën.
Pasioni i tij është futbolli dhe në të ardhmen mendon që të luajë futboll për ekipe botërore. Idoli i tij është Ronaldo.
Së fundmi ai është duke ndjekur shkollën verore në parkun e Gërmisë.
Mundesh me e lexu edhe…
Ai thotë që shkolla po i ndihmon që të krijojë shoqëri dhe të argëtohet.
“Ditën e parë jam argëtuar shumë, kemi luajtur loja kemi shëtitur nëpër male dhe natyrë. Kemi bërë lojëra edhe në kabinën e limonadës dhe jemi freskuar, sot po luajmë futboll. Mua po më pëlqen më shumë aktivitetet e sportit dhe të teknologjisë. Futbollin e kam edhe në zemër më pëlqen të luaj shumë edhe basketboll. Idoli im është Ronaldo dhe dua të bëhem si ai kur të rritem”, thotë ai.
Edhe shoqja e Orhanit, Tana Zhoshi e ka shijuar shkollën verore. Ajo thotë që ka mësuar gjëra të reja për teknologjinë dhe inteligjencën artificiale.
“Këtë javë kemi bëtë aktivitete të ndryshme. Në ditën e parë kemi luajtur lojëra të ndryshme me shkopinjtë, me rrathë dhe kemi bërë edhe gjëra të tjera. Në ditën e dytë kemi bërë ecje rreth malit. Mua po më pëlqen shumë është përvojë e re. Unë kam bërë shumë shoqe dhe kemi qëndruar më shumë bashkë. Unë i kisha ftuar që të vijnë të gjithë fëmijët, të dalim nga shtëpitë dhe të bëjmë aktivitete dhe të bëjnë shoqëri të re”, thekson Zhoshi.
“Këtu po organizojmë dhe po luajmë lojëra të ndryshme unë po kënaqem shumë, për vete unë po argëtohem shumë. Unë kam vendosur që të vijë në këtë shkollë sepse kam pasur shoqëri të shkollës së rregullt që kanë ardhur këtu. Po më ndihmon me krijua edhe shoqëri të re. Unë përgjatë këtyre javëve kam mësuar shumë gjëra që lidhen me teknologji”, deklaron nxënësja Ala Uka.
Drejtoresha e shkollës “Integrate”, Antigona Uka thotë që qëllimi i shkollës ka qenë gjithë përfshirja e fëmijëve në shoqëri.
“Ka tre vite që ne merremi me aktivitete të tilla. Qendra për arsim digjital krijon vazhdimisht aktivitete të tilla me nxënës dhe mësimdhënës. Përmes kësaj ne dëshirojmë që t’i integrojmë fëmijët e komuniteteve në një shkollë verore dy javore. Është koha e shkurtë mirëpo unë besoj që jemi duke ia dalë më i bashku fëmijët, që përveç mësimit ne po organizojmë edhe sport e aktivitete në natyrë dhe kemi një program të larmishëm me Tech and Learn që mësojnë teknologjinë por edhe gjëra të tjera që lidhen me AI”, thotë Uka.
Zakonisht fëmijët gjatë verës pushojnë nga aktivitetet mësimore në shkolla të përgjithshme.
Mirëpo ndjekja e aktiviteteve në shkolla verore i mban më të koncentruar./KOHA/Katror.info
