Sot në Kino Armata hapet edicioni i ri i PriFest – Prishtina International Film Festival, i cili do të zgjasë deri më 14 shtator. Festivali do të nisë me Ceremoninë e Hapjes nga ora 19:00, ndërsa pas saj, në ora 19:30, do të shfaqet “Bear Hug” (Kosovë, Shqipëri), premierë botërore në kategorinë “In Competition – Feature”.
Programi i festivalit do të sjellë dhjetëra premiera botërore, rajonale dhe kosovare:
10 shtator, e mërkurë – Në ora 17:00 shfaqen disa filma të shkurtër në konkurrencë: “Bitter Chocolate” (Iran, Gjermani), “Three” (SHBA) dhe “Majonezë” (Itali). Në mbrëmje, nga ora 19:30, vjen “Lavez / Bark” (Mali i Zi) dhe filmi i gjatë “The Pavilion” nga një bashkëprodhim rajonal ballkanik.
Mundesh me e lexu edhe…
11 shtator, e enjte – Ora 17:00 sjell filmin “Moon” (Austri) në seksionin Austria in Focus / Out of Competition, ndërsa nga ora 19:30 shfaqet “Cycle” (Turqi), premierë rajonale në konkurrencë.
12 shtator, e premte – Programi i pasdites përfshin “Three Keenings” (Mbretëria e Bashkuar, Irlanda, SHBA), “The Prince” (Spanjë) dhe “Two People Exchanging Saliva” (Francë, SHBA). Mbrëmja i dedikohet filmit shqiptar “Emily”, premierë rajonale.
13 shtator, e shtunë – Në orën 17:00, shfaqen disa filma të rinj në konkurrencë, përfshirë “One Woman Film” (Kosovë), “One Punch” (Mbretëria e Bashkuar), “Island of Oblivion” (Maltë, premierë botërore) dhe “Nikah” (Francë). Pas orës 19:30 vjen filmi i gjatë “Eternity Package” (Bullgari, Kosovë).
14 shtator, e diel – Në orën 17:00, në seksionin jashtë konkurrencës shfaqet “Jeanne” (Francë) dhe filmi studentor “Nen Ninulle”. Nga ora 19:00 publikohet “Man of the House”, bashkëprodhim mes disa vendeve evropiane me pjesëmarrje të Kosovës. Festivali mbyllet me Ceremoninë e Çmimeve në orën 21:00, të hapur për publikun.
Ky edicion i PriFest vjen me një përzgjedhje të pasur filmash ndërkombëtarë dhe rajonalë, duke ofruar premierë të shumta dhe një platformë të rëndësishme për kinematografinë kosovare dhe botërore.
Partner medial i festivalit është Katror.
Orarin e plotë të filmave e gjeni në këtë vegëz https://prifest.net/schedule-of-films-2023/
/Katror.info
