“Ka nisur si hobi dhe tani më është bërë profesion, e dikur stil jete. Kam nisur kur nuk ka pasur as trepikësh, as semaforë, as kosh me faul. Kam vazhduar në ligat e një shteti që sot as nuk ekziston, dhe në ligat e një shteti që po e themelonim vetë, pa ditur kur ajo ëndërr do të realizohej. Kam luajtur në beton, në sallat e sporteve, në palestrat e shkollave fillore, kam transmetuar Ligën e Kosovës nga sallat e ftohta me telefon statik për radio. Kam transmetuar NBA-n dhe Lojërat Olimpike,” – rrëfen Blerim Vuniqi, ish-basketbollist dhe gazetar sportiv me përvojë të gjatë në Kosovë, në episodin e tretë të dokumentarit “4 Çerekët”.
Ky episod sjell edhe rrëfime interesante nga Florian Miftari, i cili kujton një moment të pazakontë gjatë karrierës së tij në Mitrovicë.
“Topi vjen deri tek ti dhe e ngulitë… Osht njani prej pasimeve që i kam ba më të mirë në karrierë. Pa dashje, normalisht thyhet tabela. Janë inçizimet të cilat ndoshta nuk janë të mira për sy, se çka ndodh më pastaj, po ka qenë për herë të parë që ka ndodh dhe normalisht që as unë s’kam ditë qysh të sillem në ato raste e as ekipi kundërshtarë, sepse mendojshim se qysh kemi me lujtë ne tash. Fatmirësisht kam pasë tabelë të rezervë, e kemi ndërru,” – rrëfen Miftari.
Mundesh me e lexu edhe…
Ai kujton edhe një rast tjetër në Gostivar:
“Njësoj në lojë, domethënë aty s’ka pasë tabelë,” shton ai.
Dokumentari “4 Çerekët”, i autorit dhe producentit Leart Hoxha, me intervista të realizuara nga Blerim Vuniqi, është prodhim i Katror Media dhe mbështetet nga Ministria e Kulturës, Rinisë dhe Sportit.
Episodin e tretë të dokumentarit mund ta ndiqni këtu:
