Produktet e Kosovës po zgjerojnë praninë e tyre jashtë vendit, me një lajm të ri që gëzon diasporën kosovare në Danimarkë. Tani, vera e Kosovës mund të gjendet edhe në Meny Valby, duke ofruar konsumatorëve mundësinë të shijojnë shijen autentike të vendlindjes.
Ky hap është realizuar falë mbështetjes së z. Shpetim Veliu, i cili ka ndihmuar në krijimin e një pike ku produktet kosovare janë të qasshme dhe afër komunitetit. Përveç verës dhe pijeve energjike Golden Eagle, në këtë pikë do të jenë të disponueshme edhe produkte të tjera tradicionale nga Kosova.
Së shpejti, do të publikohet edhe një hartë e dyqaneve dhe restoranteve në Danimarkë ku mund të gjenden produktet e Kosovës, duke lehtësuar aksesin dhe promovuar më tej prezencën e tyre në tregun danez.
Mundesh me e lexu edhe…
Ky zhvillim përfaqëson një hap të vogël, por domethënës, për promovimin e produkteve kosovare jashtë kufijve dhe për ruajtjen e lidhjes së diasporës me traditat dhe shijet e vendlindjes./Katror.info
