Nga vjeshta e vitit 2026, të gjitha shkollat në nivel kombëtar do të jenë të detyruara të mbledhin dhe të mbajnë telefonat e nxënësve deri në fund të ditës, sipas raportimeve nga “The Guardian”.
Ky hap ka për qëllim të përmirësojë sigurinë dhe kushtet e mësimit për nxënësit.
Nga viti i ardhshëm shkollor, duke nisur nga vjeshta e vitit 2026, do të jetë e obligueshme për të gjitha shkollat që të mbledhin telefonat e nxënësve dhe t’i ruajnë ato deri në fund të ditës.
Mundesh me e lexu edhe…
Ky rregull i ri, që do të prekë fëmijët nga mosha 7 deri në 16 vjeç, është pjesë e një pakete masash të propozuara, të cilat janë shpallur nga qeveria.
“Ajo që po paraqesim sot është një investim historik buxhetor në shkolla dhe axhenda më e madhe e reformave në më shumë se 30 vjet”, ka thënë ministrja e re e arsimit të Suedisë, Simona Mohamsson.
Projektligji i buxhetit, i cili do të paraqitet javën tjetër, ndan 95 milionë korona për vitin 2026 dhe 100 milionë korona për vitin e ardhshëm për implementimin e ndalimit të telefonave.
Shumica e shkollave në Suedi tashmë grumbullojnë telefonat celularë në fillim të ditës shkollore, por nxënësit kanë gjetur mënyra për ta anashkaluar këtë rregull, siç është dorëzimi i një telefoni të rremë ose pretendimi se e kanë harruar telefonin ose se ai është i prishur.
“Kjo duhet të zbatohet për të gjithë, në të gjitha shkollat e Suedisë. Nuk është opsionale dhe vlen për çdo fëmijë në Suedi”, ka deklaruar Mohamsson, që është edhe kreu i partisë liberale.
Në fillim të këtij viti, Danimarka njoftoi ndalimin e telefonave celularë në shkolla, me rekomandimin e një komisioni qeveritar që gjithashtu vendosi se fëmijët nën 13 vjeç nuk duhet të kenë smartfonin ose tabletin e tyre.
Norvegjia e bëri të detyrueshëm përdorimin e mediave sociale për fëmijët mbi 15 vjeç vitin e kaluar, pasi qeveria kritikoi kompanitë e teknologjisë për ndikimin e tyre në mendjen e fëmijëve të vegjël.
Ndërkohë, Franca ka forcuar ndalimin e telefonave celularë në shkollat e mesme që nga shtatori i këtij viti./Katror.info
