- Shkruan Antigona Baxhaku Idrizi
Barazia gjinore – sfidë dhe mundësi
Barazia gjinore është një nga sfidat më të mëdha të kohës sonë. Në Kosovë, gratë ende përballen me pabarazi në punësim, mungesë përfaqësimi në vendimmarrje dhe barriera sociale që kufizojnë fuqizimin e tyre. Por barazia gjinore nuk është vetëm një sfidë – ajo është edhe një mundësi për të ndërtuar një shoqëri më të drejtë, më të zhvilluar dhe më gjithëpërfshirëse.
Forca e partneritetit
Mundesh me e lexu edhe…
Në këtë udhëtim, SHE Solutions ka bashkëpunuar ngushtë me Katror Media, duke treguar se kur organizatat e shoqërisë civile dhe mediat inovative bashkohen, ndryshimi merr një formë më të prekshme. Katror Media, që këtë vit shënon 3 vjet punë të pandalshme, është shndërruar në një platformë ku storiet dhe zërat që shpesh mbeten në hije marrin vëmendjen e merituar.
Podcasti ‘’Spotlight’’ – zë për gratë dhe të drejtat e njeriut
Bashkëpunimi ynë mori jetë përmes projektit ‘’Spotlight’’, duke prodhuar disa episode të podkastit me të njëjtin emër.
Në këto episode, të realizuara me profesionalizëm nga ekipi i Katrorit, u trajtuan tema thelbësore për shoqërinë kosovare dhe më gjerë:
- roli i grave në shoqëri dhe politikë,
- agjenda për gjithëpërfshirje dhe siguri,
- të drejtat e grave si të drejta themelore të njeriut.
Çdo episod u bë një hapësirë e re për dialog dhe vetëdijesim, duke fuqizuar zërin e grave dhe duke sfiduar perceptimet e ngulitura shoqërore.
Një rrugëtim i përbashkët
Ky partneritet tregon se barazia gjinore nuk është vetëm një synim – por një proces që ndërtohet përmes veprimeve të përbashkëta, guximit dhe përkushtimit. SHE Solutions dhe Katror Media, secila me ekspertizën dhe vizionin e vet, dëshmojnë se ndikimi është më i madh kur punohet bashkë.
Urimi ynë për Katror Media
Në 3-vjetorin e Katror Media, SHE Solutions shpreh mirënjohjen për bashkëpunimin frymëzues dhe uron edhe shumë vite të tjera kreativiteti, profesionalizmi dhe ndikimi pozitiv.
Jemi krenarë për atë që kemi arritur bashkë dhe presim me entuziazëm kapitujt e rinj që do të shkruajmë së bashku në rrugëtimin drejt barazisë gjinore.
Antigona Baxhaku – Idrizi
SHE Solutions
Përgatiti:
