Qeveria në detyrë ka miratuar Projektbuxhetin 4 miliardësh për 2026, ku ka paraparë pagë të 13-të, rritje shtesash e pensionesh si dhe rritje të pagës minimale.
Kurti: Nga 4 miliardë euro të buxhetit për 2026, përfshihet paga e 13-të për sektorin publik
Kryeministri në detyrë, Albin Kurti, e ka vlerësuar “me shumë risi” buxhetin për vitin 2026. Ai ka paraqitur para kabinetit planet për ndarjet buxhetore.
Mundesh me e lexu edhe…
Ai ka thënë se buxheti do të jetë në vlerë 4 miliardë euro.
“Edhe ky buxhet do të ketë shumë risi. Së pari, është buxhet në vlerë 4 miliardë euro ku ¼ apo rreth 1 miliard janë buxhetuar për investime kapitale. Një risi do jetë dhënia e pagës së 13-të për punonjësit e sektorit publik. Është i përfshirë edhe zbatimi i rritjes së pagës bazë më 0.5% për çdo vit përvojë pune për dallim nga ajo që kemi pasur më herët ku zbatohej rritja vetëm 0.25% për 15 vjetët e para”, ka thënë ai.
Kurti ka shtuar se buxheti 2026 përfshin edhe rritjen e pensioneve, shtesat për fëmijë, lehona, pagesa për të rritur dhe gra që angazhohen me Superpunë, si dhe kompletim i reformës së asistencës sociale e mbështetje të tjera.
“Me këtë buxhet rritet mbështetja për barna esenciale por edhe mbështetjka për kulturën dhe sportin”.
Kurti ka thënë se do të ketë ndryshime edhe për sektorin privat e pensionistët.
“Kemi lajm të mirë edhe për sektorin privat. Kemi propozim për rritje të pagës minimale që do ndikoj te 150 mijë të punësuar. Ka lajme të mira edhe për pensionistët sepse nga 120 pensioni do bëhet 150. Kam premtuar që do të ketë lajm të mirë edhe për nëna. Nga muaji nëntor shtesat për të gjithë fëmijët do të rriten për 50 për qind. Meqë kemi Kuvend të konstituuar sot do ta dërgojmë në Kuvend edhe buxhetin për komunat Prishtinë, Gjilan, Zubin-Potok”.
Qeveria miraton buxhetin 2025 për Prishtinën, Gjilanin e Zubin-Potokut
Qeveria në detyrë e Kosovës në mbledhjen e së premtes ka miratuar edhe buxhetet për vitin 2025 për Komunën e Prishtinës, Gjilanit dhe atë të Zubin-Potokut.
Deri më tani këto komuna kanë operuar me buxhet të vitit 2024. /Koha/Katror.info
