Një studim i ri shkencor ka zbuluar se sa të lidhura ndihen kombet e ndryshme me natyrën – dhe për disa prej tyre, lidhja është e jashtëzakonshme.
Ky është hulumtimi i parë në shkallë të gjerë që analizon se si faktorët shoqërorë dhe mjedisorë ndikojnë në marrëdhënien e njerëzve me botën natyrore. Mbi 55 mijë persona nga 61 vende u anketuan, duke i dhënë ekspertëve një pasqyrë të gjerë për mënyrën se si ndikojnë klima, urbanizimi, religjioni dhe bindjet politike në ndjenjën e lidhjes me natyrën, shkruan TimeOut, transmeton Katror.info.
Rezultatet treguan se vendi më i lidhur me natyrën në botë është Nepali. Me peisazhe mahnitëse dhe malet më të larta në botë, populli nepalez jeton përditë në harmoni me mjedisin që e rrethon – dhe kjo duket qartë edhe në të dhënat shkencore.
Mundesh me e lexu edhe…
Në vend të dytë u rendit Irani, ndërsa Afrika e Jugut zuri vendin e tretë. Shumica e vendeve më “të lidhura me natyrën” ndodhen në Azi, Lindjen e Mesme dhe Afrikë, por Kili, Kroacia dhe Bullgaria ishin përjashtime të dukshme evropiane në top dhjetëshen.
Sipas studiuesve, “vlerat shoqërore, shkencore dhe shpirtërore” kanë ndikim më të madh në lidhjen me natyrën sesa faktorët e jashtëm si klima apo urbanizimi. Njerëzit me prirje fetare janë zakonisht më të lidhur me planetin, çka mund të shpjegojë pse Nepali kryeson listën.
Në anën tjetër të shkallës, Spanja u rendit e fundit – pavarësisht peizazheve të saj mesdhetare të mrekullueshme. Japonia dhe Izraeli ishin gjithashtu në fund të listës duke dëshmuar se pamjet e bukura nuk mjaftojnë për të krijuar një lidhje të vërtetë me natyrën.
Top 10 vendet më të lidhura me natyrën
1. Nepali
2. Irani
3. Afrika e Jugut
4. Bangladeshi
5. Nigeria
6. Kili
7. Kroacia
8. Gana
9. Bullgaria
10. Tunizia
Vendet më pak të lidhura me natyrën
1. Spanja
2. Japonia
3. Izraeli
4. Gjermania
5. Kanadaja
6. Holanda
7. Mbretëria e Bashkuar
8. Arabia Saudite
9. Irlanda
10. Rusia
Studimi, i publikuar në revistën shkencore Ambio, tregon se lidhja me natyrën nuk varet vetëm nga ajo që na rrethon, por nga mënyra se si e përjetojmë dhe e vlerësojmë botën përreth nesh. /Katror.info
Burimi: Time Out
Përshtati dhe përktheu: Katror.info
