Atmosfera e emocionit dhe pritshmërive për Prishtina Open 2024 është ngritur edhe më lart pas publikimit të shortit zyrtar të turneut ndërkombëtar të pingpongut. Ky moment i shumëpritur ka sjellë më në fund qartësi për të gjithë pjesëmarrësit dhe tifozët që mezi prisnin të mësonin kundërshtarët dhe rrugëtimin e tyre në këtë ngjarje madhështore sportive.
Prishtina Open 2024 ka tërhequr mbi 350 pjesëmarrës nga 20 shtete të ndryshme, duke u bërë kështu një nga turnet më të mëdha dhe më të rëndësishme ndërkombëtare të pingpongut. Me publikimin e shortit, garat janë bërë më konkrete dhe strategjitë e lojtarëve janë tashmë në fazën e përgatitjeve intensive.
Shorti i këtij viti pritet të krijoj disa përballje shumë interesante që premtojnë spektakël dhe emocione të veçanta. Lojtarët janë ndarë në grupe ku dhe tabelat e ndeshjeve janë bërë publike, duke i lejuar të gjithë të planifikojnë ndeshjet e tyre dhe të ndjekin rivalët.
Pjesëmarrësit, të cilët vijnë nga vende të ndryshme të botës dhe me stile të ndryshme loje, tani e dinë se kush do të jenë kundërshtarët e tyre të parë dhe cilat janë sfidat që i presin.
Për tifozët, shorti i publikuar ofron mundësinë për të ndjekur nga afër lojtarët e tyre të preferuar dhe për të parashikuar ndeshjet më interesante. Me një numër kaq të madh lojtarësh të talentuar dhe me një larmi të madhe stilistike, Prishtina Open 2024 pritet të jetë një spektakël i vërtetë sportiv. Gjatë fundjavës do të zhvillohen afro 530 ndeshjë në të gjitha grupmoshat. Të premtën do të garojnë veteranët të ndarë në kategori 40-49, 50-59, 60-64, 65-69 dhe 70+, ndërsa të shtunën është rezervuar për U17 dhe U21, ndërsa të dielen në mëngjes do të garojnë grupmoshat U13, ndërsa pasditë seniorët, e në ora 20:00 do të zhvillohet finalja e madhe e Prishtina Open 2024, e cila do te transmetohet ne RTK.
Për shkak të numrit të madh të paraqitur të kategoria e seniorëve, seniorët e ndarë në grupe vetëm bartësi i grupit do të kaloj në faazen eleminuese, ndërsa kategorit tjera nga dy lojarë do të vazhdojnë tutje.
Prishtina tashmë është gati të mirëpresë sportistët dhe tifozët nga e gjithë bota, duke ofruar një atmosferë të gjallë dhe mikpritëse. Ndërsa ndeshjet fillojnë dhe emocionet rriten, një gjë është e sigurt: Prishtina Open 2024 do të jetë një ngjarje e paharrueshme që do të lërë gjurmë të thella në historinë e pingpongut kosovar.
Skeleti – shorti dhe orari i ndeshjeve
Knockout-stage-draw-and-timeline-of-Prishtina-Open-2024-1
7 Qershor 2024 – e Premte – 17:00h – Shorti i Veteranve
Veteran-40-49-Groups_Prishtina-Open-2024-1
Veteran-50-59-Groups_Prishtina-Open-2024-1
Veteran-60-64-Group_Prishtina-Open-2024-1
Veteran-65-69-Group_Prishtina-Open-2024-1
Veteran-70-Groups_Prishtina-Open-2024-1
8 Qershor 2024 – e Shtune – 09:00h – Shorti U17 dhe U21
U17-Boys_Groups_Prishtina-Open-2024-1
U17-Girls_Groups_Prishtina-Open-2024-1
U21-Boys_Groups_Prishtina-Open-2024-1
U21-Girls_Groups_Prishtina-Open-2024-1
9 Qershor 2024 – e Diele – 09:00h – Shorti U13 dhe Senior
U13-Boys_Groups_Prishtina-Open-2024-3
U13-Girls_Groups_Prishtina-Open-2024-2
Men-Senior-Groups_Prishtina-open-2024-1
Women-Senior-Groups_Prishtina-open-2024-1
Përgatiti:
