42 Network është qendra e parë e trajnimit dixhitale që është plotësisht falas dhe e disponueshme për studentët me ose pa diplomë të cilët janë 18+ vjeç. Metodat e mësimdhënies bazohen në të mësuarit nga bashkëmoshatarët: pa klasë, pa mësues dhe me pjesëmarrje, 42 u mundëson studentëve të çlirojnë kreativitetin e tyre përmes të mësuarit me projekte.
Koncepti ka filluar me 42Paris në 2013 për të ekzistuar sot në 35 qytete të botës. Së shpejti koncepti do të vijë edhe në Prishtinë me 42Prishtina. Nënkryetarja e Prishtinës, Donjeta Sahatçiu përmes një statusi në Facebook ka bërë me dije se janë në proces me Taulant Abazin dhe ekipin e tij në Geek Education & Entrepreneurship Kosova për fillimin e këtij partneriteti.
Ajo shkroi se gjatë qëndrimit në Vjenë për konferencën vjetore të BERZh për qytete të gjelbra, bashkë me Besianë Musmurati vizituan kampusin e sapo hapur nga 42 Vienna, ku edhe takuan dy studentë të gjeneratës së parë nga Kosova që kishin zgjedhë Vjenën për këtë program.
Mundesh me e lexu edhe…
‘Kuptuam konceptin, hapësirën, modelin e financimit, sfidat dhe proceset deri në hapje. 42Prishtina duhet të bëhet! Kushdo duhet të ketë mundësinë të provojë kodimin, pavarësisht moshës, përvojës dhe kushteve financiare. Nevojës së madhe të Kosovës për programerë në treg duhet t’i përgjigjemi me zgjidhje të shpejta dhe të qëndrueshme, pa shumë fjalë,’ shkroi Sahatçiu.
Përgatiti:
