Festa e filmit filloi në Prishtinë. Filmdashësit nuk u stepën nga shiu, por iu bashkuan magjisë që sjell çdo vit Festivali Ndërkombëtar i Filmit, PriFest.
22 filma premierë kosovarë dhe botërorë, kineastë të njohur, regjisorë e producentë të filmave ikonikë të shpërblyer me çmime Bafta e Emmy, evente të ndryshme dhe muzikë sjell PriFest në këtë edicion të 16-të.
Fatos Berisha, drejtori i PriFest, foli për rëndësinë e këtij festivali për kulturën dhe imazhin ndërkombëtar të Kosovës.
Mundesh me e lexu edhe…
Regjisori i njohur, i cili themeloi PriFest, së bashku me të ndjerën Vjosa Berishën, dhe që tash e dy vjet i kushtohet asaj, thotë se çdo edicion i PriFest është një kapitull i ri në historinë e filmit të Kosovës, që ndërtohet mbi sukseset dhe aspiratat e mëparshme.
E për shkak të këtyre sfidave, Blerta Zeqiri, drejtoresha e Qendrës Kinematografike të Kosovës, theksoi dedikimin që kjo qendër ka në mbështetjen e PriFestit si një nga asetet artistike kosovare, ku përmendi çmimin të cilin sjell QKK-ja në këtë ngjarje si dhe mbështetjen për gjashtë filma të metrazhit të gjatë.
Ajo shtoi se festival është një forcë lëvizëse që ndihmon në formësimin e të ardhmes së kinematografisë kosovare.
Pas ceremonisë pritëse, pasoi ngjarja kryesore e hapjes së festivalit me premierën botërore të filmit Lejlek, të regjisorit të njohur kosovar, Isa Qosja. Ndërsa, Kryeminsitri Albin Kurti, iu bashkua artdashësve për ta parë këtë film me një kastë të mrekullueshëm aktorësh, ai vlerësoi PriFest si një krenari për Kosovën në arenën ndërkombëtare, ndërsa në Kosovës është shpallur interes shtetëror.
Aktori Shkumbin Istrefi, protagonist i filmit Lejleku“, pati disa fjalë për festivalin i cili sipas tij shpalos historinë dhe kulturën tonë para botës dhe gjithashtu është një dritare e madhe për artistët tanë.
Festivali, i cili tashmë ka fituar vendin e tij si një ndër ngjarjet më të rëndësishme kulturore në Kosovë, do të jetë i hapur deri më 15 shtator. Sivjet do të jenë në total 22 filma që do të shfaqen në kategori të ndryshme prej asaj kryesores që është filmi i gjatë artistik ballkanik, filmi i shkurtë dhe filmi i metazhit të mesëm. Po ashtu janë edhe programe speciale. FIlmat shfaqen në kino Armata në Prishtinë./Katror.info
Përgatiti:
