Çifti i njohur, Denzel dhe Pauletta Washington nuk kanë “sekrete” për suksesin e martesës së tyre 41-vjeçare dhe vetëm varen në “dashurinë” që kanë për njëri-tjetri.
Aktori 69-vjeçar u martua me Paulettan, 73-vjeçare në vitin 1983 dhe disa javë pas festimeve, gruaja e tij tha se edhe pse kërkon “punë”, është vetëm “dashuria” për njëri-tjetrin që i ka shtyrë përpara.
“Nuk ka sekret. Ne punojmë për të. Është punë. Dhe nuk rri duke menduar ‘Oh, e di ti…’ Kërkon shumë forcë për të qenë falës nga të dyja anët, e imja dhe e tija. Por është kryesisht dashuria që kemi për njëri-tjetrin”, ka thënë Pauletta për “People”.
Çifti ka katër fëmijë – Johnin 40-vjeçar, Katian 37-vjeçare dhe binjakët Malcolm dhe Olivia, 33-vjeçarë.
Ylli i “The Equalizer”, Denzel ka shpjeguar më herët se gruaja e tij është “arritja më e madhe” në jetën e tij.
Kur është pyetur në një ngjarje, për atë që ai e konsideron si arritja e tij më e madhe në jetë, ai është kthyer ka gruaja e tij dhe ajo është përgjigjur duke qeshur: “Fëmijët e tij”.
“Në fakt, isha duke bërë me gisht kah ajo. Ajo është arrija ime më e madhe”, është përgjigjur Denzeli./Katror.info
Përgatiti:
