Pomfret, një qytet i vogël në Vermont, SHBA, është bërë i njohur për bukurinë e tij të mahnitshme gjatë vjeshtës. Megjithatë, këto pamje tani janë objekt i përpjekjeve për të ndaluar fluksin e turistëve dhe influencerëve që e kanë mbushur qytetin gjatë sezonit të fletëve të rëna.
Pamjet e bujqësisë dhe natyrës në Pomfret, si drurët e mbushur me mollë dhe peizazhet e mrekullueshme, kanë filluar të tërheqin vizitorë nga e gjithë bota, veçanërisht pas viralizimit të Sleepy Hollow Farm në mediat sociale.
Ky interes i tepruar ka shkaktuar shqetësime për banorët, të cilët kanë përjetuar trafik të madh, mbeturina dhe shqetësime të tjera nga turistët.
Mundesh me e lexu edhe…
Për të përballuar këtë situatë, banorët e Pomfret vendosën të mbyllin rrugët që çojnë në Sleepy Hollow gjatë sezonit vjeshtorë (nga 23 Shtatori deri më 15 Tetor), duke ndihmuar në ruajtjen e rendit dhe sigurisë.
Kjo ka shkaktuar irritim tek disa turistë dhe influencerë, por është një masë për të mbrojtur komunitetin dhe natyrën.
Në krahasim me qytetin fqinj, Woodstock, që është më i përgatitur për fluksin e turistëve, Pomfret ka preferuar të ruajë qetësinë dhe bukurinë e saj pa e mbingarkuar infrastrukturën, shkruan BBC, përcjell Katror.
Banorët e Pomfret janë të gatshëm të presin vizitorë, por kërkojnë respekt për ambientin dhe përpjekje për të menaxhuar fluksin e turistëve në mënyrë të përgjegjshme. Rrugët do të jenë të mbyllura për automjetet nga 25 Shtatori deri më 16 Tetor 2024, dhe parkimi do të ndalohet.
Në Pomfret, qëllimi është të ruhet bukuria natyrore dhe të sigurohet një përvojë e këndshme për të gjithë./Katror.info
