Profesori më i famshëm i historisë, por edhe Inteligjencës Artificiale për momentin, Yuval Harari, në një intervistë pë La Republicca-n, gazetën italiane, tregon pse njerëzit e përdorin sot internetin, pse ju pëlqen veçanërisht TikTok? Çfarë gjejnë aty?
I pyetur nga se pse pjesa dërrmuese e njerëzve nuk e përdorin internetin për të mësuar, por për të parë video në TikTok, shpesh herë video idiote, Harari thotë se janë dy probleme, përcjell Tirana Post.
“Së pari, e vërteta shpesh është e ndërlikuar dhe ne, njerëzve, na pëlqejnë historitë e thjeshta. Problemi i dytë ka lidhje me faktin se e vërteta shpesh herë është e dhimbshme, aspak e rehatshme, dhe ne nuk na pëlqejnë gjërat e parehatshme. Njerëzit preferojnë të ndjekin histori që i bëjnë të ndihen mirë, edhe nëse nuk janë të vërteta. “
Mundesh me e lexu edhe…
“Kur u shpik shtypshkronja, libri më i lexuar nuk ishte ai i Kopernikut, i cili ndryshoi botën duke hedhur bazat e shkencës moderne; më i lexuari ishte Melleus Maleficarum i Heinrich Kramer, një manual për gjuetinë e shtrigave. Ishte i thjeshtë për t’u kuptuar dhe magjepsës me tërë ato tregime shtrigash, mallra të vjedhur, festime shtrigane. Orgjitë e sajuara janë shumë më interesante se ekuacionet kopernikase. E njëjta gjë ndodh sot me videot në TikTok. Natyra jonë nuk ka ndryshuar fare,” ka shpjeguar ai.
Përgatiti:
