Në Berlin filloi panairi më i madh i tregtar shqiptar “Global Albanian Gastronomy Festival”. Inaugurimi i këtij panairi ishte një ngjarje madhështore, e cila tërhoqi më shumë se 1000 vizitorë dhe ekzibitorë, dhe mbi të gjitha bëri bashkë shqiptarë nga të gjithë trevat dhe gastronomë nga e gjithë bota për të treguar potencialin tonë kulturor dhe ekonomik.
“Teksa në Berlin pritet 10 vjetori i “Open Ballkan”, 110 kompani ekzibitore nga Shqipëria, Kosova, Maqedonia e Veriut dhe Mali i Zi treguan se janë gati për tregun evropian me produktet dhe shërbimet e tyre cilësore. GAG Festival, përgjatë 2 dhe 3 tetorit, përveç panairit tregtar do të ketë 50 panelistë, 10 cooking show, 1 mbrëmje gala dhe një ceremoni të ndarjes së çmimeve”, thuhet në njoftim, përcjell RTK.
Sipas njoftimit, inaugurimi u nderua me praninë e figurave të rëndësishme politike shtetërore, të cilët ndanë mesazhe frymëzuese për potencialin e gastronomisë shqiptare dhe impaktit të saj në gastro-diplomaci dhe gastro-turizëm.
Mundesh me e lexu edhe…
Ndër ta ishin, Vjosa Osmani, Presidente e Republikës së Kosovës; Florian Hauer, sekretar permanent për Çështje Federale dhe Evropiane në Shtetin e Berlinit, Igli Hasani, ministër për Evropën dhe Punët e Jashtme i Republikës së Shqipërisë. Izet Mexhiti, zëvendëskryeministër i Maqedonisë së Veriut; Rozeta Hajdari, ministre e Industrisë, Ndërmarrësisë dhe Tregëtisë në Republikën e Kosovës.
“Pas fjalimeve frymëzuese, dita vazhdoi me katër panele të ndryshme që trajtuan tema të rëndësishme për “Agroturizmin Shqiptar – mundësitë për të investuar në Shqipëri dhe Kosovë”, për “Potencialin Kapitalit të Diasporës Shqiptare në Zhvillimin e Ballkanit Perëndimor”, për Historitë Frymëzuese të Gastronomëve Shqiptar kudo në botë”, në njoftim.
Sipas njoftimit, një vëmendje e veçantë iu kushtua shkollave profesionale, të cilat luajnë një rol kyç në formësimin e të ardhmes së sektorit të gastronomisë shqiptare.
“Në një skenë paralele kuzhinierë të ndryshëm nga trevat shqiptare performonin “Cooking Shows”. Gjithashtu, u inaugurua edhe në Berlin, gati për t’i eksportuar jashtë vendit edhe Bar’i Modular i gjithi “ Made in Kosova”. Ky panair jo vetëm që promovoi kuzhinën shqiptare, por gjithashtu e shndërroi Berlinin në një qendër të kulturës dhe traditave shqiptare për një ditë, duke e bërë atë të flasë shqip”, theksohet në njoftim./Katror.info
Përgatiti:
