Instituti Kombëtar i Shëndetësisë Publike të Kosovës rekomandoi që uji i rrjedhshëm nga liqeni i Badovcit, të mos përdoret për pije, e as për gatim për shkak të rritjes së niveleve të manganit. Kjo vlen për pjesën më të madhe të Prishtinës dhe të fshatrave përreth saj.
Instituti ka marrë këtë vendim pas analizimit të 16 mostrave në Zonën – PR03, e cila furnizohet nga Impianti për trajtimin e ujit në Badovc.
Nga rezultatet laboratorike, 15 mostra nga numri total i mostrave të marra rezultojnë me tejkalim të standardit për Mangan. Tejkalimet fillojnë nga vlera më e ulët prej 0.062 milgram per liter deri në vlerën më të lartë 0.250 miligram per liter. Ndërkaq “për cilësinë e ujit të destinuar për konsum nga njeriu”, norma e lejuar është 0.05 miligram per liter.
Mundesh me e lexu edhe…
Bazuar në të dhënat e deritashme, paraqitja e “fenomenit” te Manganit në Liqenin e Badovcit është dukuri e vazhdueshme, e cila ndodh kryesisht në kohën e ndërrimit të stinëve.
Kjo dukuri në vitin e kaluar ishte shqetësuese, sepse përveç vlerave të shtuara të Manganit, u shoqërua edhe me kohëzgjatje të këtij fenomeni.
Andaj, Instituti u rekomandon qytetarëve, që deri në njoftim tjeter ujin mos ta përdorin për pije, por vetëm për higjienë dhe pastrim.
Por, çfarë është Mangani dhe pse nuk duhet të konsumohet uji me vlerë të shtuar të tij?
Mangani konsiderohet lëndë ushqyese thelbësore dhe kontribuon në shumë funksione trupore, përfshirë përfshirë metabolizmin e aminoacideve, kolesterolit, glukozës dhe karbohidrateve, në formimin e eshtrave, mpiksjen e gjakut dhe reduktimin e inflamacionit.
Por, kur sasia teprohet, ajo mund të bëhet e dëmshme, e sidomos për fëmijët nën 5 vjeç, meqë sipas eksperteve shendetesore. kur fëmijët dhe të rriturit pinë ujë me nivele të larta mangani për kohë të gjatë, mund të përballen me probleme me kujtesë, përqendrim dhe aftësi motorike.
Nga Badovci furnizohen këto pjesë: Matiqani, Aktashi, Albi Mall, Bregu i Diellit, Cagllavica, Fshati Nderkombetar, Gracanica, Hajvalia, Kishnica, Lagjia e Spitalit, Lagjja jone, Lagjja Nic, Lagja Qendresa, Lagja e Studenteve, Llapnasella, Marigona Hill, Mati 1, Preoci, Prishtina e Re, Royal Gree Residences, Shashkoc, Sushice, Ulpiana e Re dhe Veternik.
Andaj, banorë të këtyre lagjeve mos konsumoni ujin e rrjedhshëm deri në njoftimin e radhës nga IKSHP./Katror.info
Përgatiti:
