Startup-i texan Venus Aerospace ka bërë një hap revolucionar në fushën e udhëtimit me prezantimin e motorit shpërthyes rrotullues VDR2. Ky motor i avancuar premton të bëjë të mundur fluturime hipersonike, duke e çuar shpejtësinë deri në 7400 kilometra në orë. Sipas parashikimeve, një udhëtim nga Roma në New York do të zgjaste vetëm 55 minuta, ndërsa Londra do të jetë e arritshme nga Pekini në më shumë se një orë.
VDR2, që do të thotë Venus Detonation Ramjet 2000 lb Thrust Engine, është dizajnuar për të arritur deri në 6 Mach, ose gjashtë herë më shpejt se shpejtësia e zërit. Ky motor revolucionar nuk përdor djegien e zakonshme të karburantit, por përdor një sistem shtytës futuristik që gjeneron valë shpërthimi, të cilat përhapen në mënyrë ciklike brenda qarkut. Kjo qasje e re synon të ofrojë performancë rekord dhe të bëjë fluturimet hipersonike një realitet të mundshëm, shkruan Top Albania Radio
.
Mundesh me e lexu edhe…
Andrew Duggleby, bashkëthemelues i Venus Aerospace, theksoi se ky motor e bën ekonominë hipersonike një mundësi reale, duke hapur rrugë për fluturime më të shpejta dhe efikase. Fluturimi i parë testues i VDR2 është planifikuar për vitin 2025, dhe pritet të jetë një hap i rëndësishëm në zhvillimin e teknologjive të reja të transportit ajror.
Me këtë avancim, Venus Aerospace synon të transformojë jo vetëm udhëtimin ndërkombëtar, por edhe mënyrën se si e perceptojmë distancën dhe kohën në epokën moderne./Katror.info
Përgatiti:
