Në Vushtrri është mbajtur edicioni i 42-të tradicional mbarëshqiptar i poezisë “Takimet e poeteshave shqiptare”, i cili ka mbledhur poeteshat nga të gjitha trojet shqiptare, raporton Ekonomia Online.
Në hapje të manifestimit garues, kryetari i Komunës së Vushtrrisë, Ferit Idrizi, ka folur se si ky festival tradicional i poezisë është mbajtur për dekada të tëra, madje edhe nëpër periudha të vështira.
“Poezia si një formë e gjinisë letrare në qytetin e Vushtrrisë ka një orgjinë të lashte dhe është unike sepse mbledh poeteshat nga të gjitha trojet shqiptare. Dikur thurja e vargjeve ishte e ndaluara edhe pse mesazhi përcillte mesazhin e paqes dhe se ky popull duhet te çlirohet një ditë. Vargjet u thurën edhe në këngë edhe ishte frymëzim për gjenerata dhe breza për Kosovën që sot është e pavarur dhe e lirë”, ka thënë Idrizi.
Mundesh me e lexu edhe…
Poetja, Sala Jashari ka thënë se gratë të cilat tregojnë dashurinë përmes poezisë janë gratë më të fuqishme për te zbuluar plagët e tyre.
“Takimet e poetesha shqiptare nga takime po te vrojtosh me kujdes sheh vargje që burojnë nga shpirtra që derdhin dashuri. Kur them se ato e kanë fuqinë që të ndryshojnë sepse mbi të gjitha poetet tona shqiptare janë edhe nëna. Nëna është më gjëja më e fortë njerëzore. Pa dyshim që është një vlere e pazëvendësueshme, guximin për ta zbuluar plagën e tyre dhe ëndrrat. Janë pikërisht këto momente qe na kujton që poezia nuk është vetëm fjalë”, ka thënë Jashari.
Në këtë eveniment kulturor-artistik, pjesëmarrës ishin 21 poetesha të cilat recituan poezitë e tyre dhe u vlerësuan nga një juri profesionale.
Për tri poetet më të mira u ndanë edhe çmime, ku vendin e parë e mori Minivere Mujamata, të dytin Tomqjta Tanjuqi dhe çmimin e tretë e mori poetja, Bahrije Qupi. /Katror.info
Përgatiti:
