Dikush mund të imagjinojë mjedisin armiqësor të hapësirës si një lajm të keq per çdo molekulë organike.
Megjithatë, inxhinierët japonezë sapo kanë krijuar një satelit nga druri të quajtur LignoSat, me përgatitje për lansim në verën e vitit 2025.
Misioni është i destinuar si një demonstrim i kapaciteteve nga ky material modest që të jetojë gjatë dhe të lulëzojë në hapësirën boshe, shkruan Good News Network.
Mundesh me e lexu edhe…
Në hapësirë, nuk ka oksigjen që të shkaktojë ndezjen e drurit, as lagështi që të shkaktojë kalbjen e tij, as mikrobe që ta konsumojnë.
Rreziku më i madh për integritetin strukturor të qelizave lignane është të digjet në atmosferë, kjo është pikërisht arsyeja që është dizajnuar LignoSat, percjell katror.info.
‘’Të gjithë satelitët që ri-hyjnë në atmosferën e tokës digjen dhe krijojnë grimca të vogla alumine, të cilat do të mbesin në atmosferën e lartë për shumë vite’’, paralajmëroi së fundmi Takao Doi, astronauti dhe inxhinieri hapësinor japonez.’’ ”Më vonë kjo do të ndikojnë në mjedisin e tokës.’’
LingoSat u ndërtua nga druri i mangolisë, një përzgjedhje që u bë pas një viti testimesh rigoroze në kushte dhe mjedise të ndryshme, përfshirë këtu edhe Stacionin Ndërkombëtar të Hapësirës [ISS]. Testet u realizuan nga Universiteti i Kiotos në partneritet me një nga kompanitë më të vjetra të inkorporuara japoneze, Sumitomo Foresty.
Aftësia e drurit për t’u qëndruar këtyre kushteve na befasoi’’ tha Koji Murata, kreu i projektit, për Guardian.
Një nga misionet e satelitit është të masë deformimin e strukturës së drurit në hapësirë, tha Murata për Observer.
‘’Druri është i qëndrushem dhe i stabilizuar në një drejtim, por mund te jetë i prirur për ndryshime dimensionale dhe çarje në një drejtim tjetër’’, theksoi ai.
Para se dikush të ketë idenë për stacione hapësinore prej druri, LingoSat ka madhësinë e një filxhani të madh kafeje dhe do të ketë një periudhë orbite prej 6 muajsh, para se të lejohet të bie në atmosferë.
Nëse LingoSat do të performojë mirë, druri i klasës hapësinore mund të bëhet një produkt i standardizuar i pylltarisë në vitet që vijnë. Shume shtete po lansojnë tani satelitë në hapësirë, dhe është vlerësuar se 2,000 lëshime do të ndodhin çdo vit gjatë gjashtë muajve të ardhshëm.
I gjithë alumini që shpërthen në atmosferë mund të shkatërrojë disa nga përparimet që i ka bërë njerëzimi në riparimin e vrimës në shtresën e ozonit./Katror.info
Përgatiti:
